„მრცხვენია, რომ ეს კაცი მამაჩემია“ - 46 წლის ყოფილი ძიუდოისტის მიერ ნაცემი ცოლი, სიცოცხლის შენარჩუნებისთვის იბრძვის

46 წლის კაცი, რომელსაც საბერძნეთის სამართალდამცველები, ცოლის სასტიკად ცემის გამო სამი დღე ეძებდნენ დღეს პოლიციას თავად ჩაბარდა. 

სამი დღის წინ საბერძნეთში მომხდარმა ოჯახურმა ინციდენტმა ქვეყანა შეძრა. 

46 წლის ძიუდოს მასწავლებელი კაცი, რომელიც 15 წლის წინ  არგიროპოლის ახალგაზრდული სპორტული კლუბის ძიუდოს გუნდის სპორტსმენი იყო, კონფლიქტის შედეგად  სასტიკად გაუსწორდა 40 წლის მეუღლეს, რომელიც მიღებული დაზიანების შედეგად, ევანგელიზმოსის საავადმყოფოს, ინტენსიური თერაპიის განყოფილებაში სიცოცხლის შენარჩუნებისთვის იბრძვის. ქალს მიღებული აქვს მძიმე დაზიანებები მთელ სხეულზე და ძირითადად სახის არეში.

პოლიციის მიერ გავრცელებული ინფორმაციით, ბრალდებულმა აღიარა ჩადენილი დანაშაული, სადაც განაცხადა, რომ ნამდვილად სცემა მისი 40 წლის მეუღლე თუმცა, მისი მიზანი არ ყოფილა, ცოლისთვის ისეთი მძიმე დაზიანებები მიეყენებინა რაც მის სიცოცხლეს საფრთხეს შეუქმნიდა. უბრალოდ როგორც თავად აღნიშნავს მათ შორის წარმოქმნილი კონფლიქტის დროს დაკარგა საკუთარ თავზე კონტროლი, რამაც მოვლენების მსგავსი განვითარება გამოიწვია. 

46 წლის კაცს, ცოლ-ქმარს შორის მომხდარი კონფლიქტის კონკრეტული მიზეზი არ დაუსახელებია, პოლიციასთან საუბარში მან განაცხადა, რომ მისი და მისი მეუღლის ურთიერთობა რამდენიმე თვით შემოიფარგლება და ამ დროის მანძილზე მათ შორის ხდებოდა ხოლმე  კამათი, როგორც სხვა წყვილებს შორის. 

როგორც ცნობილი გახდა 46 წლის კაცისთვის აღნიშნული ოჯახური ძალადობის ფაქტი არ ყოფილა პირველი შემთხვევა. 2015 წელს მან სასტიკად  სცემა და დანით ჭრილობები მიაყენა მის ყოფილ მეუღლეს, რომელიც იმ დროისათვის არასრულწლოვანი იყო და რომლისგანაც მას ერთი შვილი ჰყავს. გავრცელებული ინფორმაციით, მაშინ ახალგაზრდა ქალი სიკვდილს სასწაულით გადაურჩა. ქალმა ქმრისგან გაქცევა და დამალვა შეძლო, რა დროსაც ის გამვლელებმა შეამჩნიეს საავადმყოფოში გადაიყვანეს. 

46 წლის კაცი კიდევ ორ ქორწინებაში იმყოფებოდა, რომელთაგან მას 4 შვილი ჰყავს. გავრცელებული ინფორმაციით, ყველა განქორწინებას წინ უძღოდა მისი ძალადობრივი ქმედებები ცოლების მიმართ.

ბერძნული მედიის ინფორმაციით, მისმა ერთ-ერთმა შვილმა ახალგაზრდა გოგომ საკუთარ ინსტაგრამ გვერდზე მამის სურათი ატვირთა წარწერით: " მრცხვენია რომ ეს კაცი მამაჩემია, იმედი მაქვს ციხეში დალპები". 

ასევე საინტერესოა

🔴სოფელი, რომელსაც ელექტროენერგია არ მიეწოდება - მილია ერთ-ერთი ტურისტულად მიმზიდველი ადგილია საბერძნეთში (ფოტოები)

🔴ბოლო 24 საათის განმავლობაში საბერძნეთში რამდენიმე მიწისძვრა მოხდა

🔴როდის უნდა გავიკეთოთ სწრაფი ტესტი, როდის თვით ტესტი და როდის PSR? - ბერძენი ექიმების პასუხები