როდის უნდა გავიკეთოთ სწრაფი ტესტი, როდის თვით ტესტი და როდის PSR? - ბერძენი ექიმების პასუხები

როდის უნდა გაიკეთონ მოქალაქეებმა სწრაფი ტესტი,  თვით ტესტი(self test) და PSR ტესტი? - ბერძენი ექიმების: გიკას მაიორკინისის და სპიროს საპუნასის პასუხები, კორონავირუსის ტესტებთან დაკავშირებით, საზოგადოებაში გაჩენილ კითხვებზე.

სწრაფი ტესტები და თვით ტესტები არსებითად ერთსა და იმავე ტექნოლოგიაზე, დაფუძნებული კორონავირუსის ანტიგენის გამოსავლენ ტესტებს წარმოადგენენ. იმ განსხვავებით, რომ თვით ტესტების გამოყენება შესაძლებელია დამოუკიდებლად სახლის პირობებში, სწრაფი ტესტი კი უნდა განხორციელდეს ჯანდაცვის წარმომადგენლის მიერ კერძო ან საჯარო სტრუქტურაში.  

PCR ტესტით შემოწმების გავლა საჭიროა იმ მოქალაქეებისთვის, რომლებსაც აქვთ ძლიერი კლინიკური ეჭვი COVID-19-ზე და ამავე დროს  სწრაფი ტესტის პასუხი უარყოფითია. მაგალითად, ვირუსისთვის დამახასიათებელი კლინიკური სურათის მქონე პაციენტი უნდა შემოწმდეს მოლეკულური PCR-ტესტით. 

შეუძლია თუ არა სწრაფ ტესტს ომიკრონის შტამის აღმოჩენა ? 

Omicron-ის შტამის მიმართ, სწრაფი ტესტების დიაგნოსტიკური სანდოობის დასადგენად არაერთმა კომპანიამ ჩაატარა ცდები. დიდი ბრიტანეთის  ჯანმრთელობის უსაფრთხოების ორგანიზაციამ განაცხადა, რომ მათ ვერ აღმოაჩინეს, რაიმე პრობლემა რაც ეჭვის ქვეშ დააყენებს სწრაფი ტესტის Omicron-ის მიმართ მგრძნობელობის საკითხს. 

მიუხედავად, იმისა რომ FDA-ს განცხადებით, სწრაფ ტესტს, ომიკრონის შტამის დასადგენად, ზოგიერთ შემთხვევაში შესაძლოა, არ აღმოაჩნდეს საკმარისი მგრძნობელობა, პრაქტიკაში მსგავსი ფაქტი ჯერ არ დაფიქსირებულა.  

სწრაფი ტესტის უარყოფითი პასუხი გამორიცხავს ვირუსის არსებობას ? 

მოლეკულურ PCR-თან შედარებით სწრაფ ტესტს დაავადების გამოვლენა ნახევარი ან ერთი დღის დაგვიანებით შეუძლია. 

ამ დროის განმავლობაში ვირუსული დატვირთვა ძალიან დაბალია და შესაბამისად, მისი გადაცემის შანსი ნაკლებად სავარაუდოა. არსებითად, სწრაფი ტესტის მიერ დადგენილი დადებითი პასუხი ემთხვევა დაავადების გადამდებ პერიოდს.  

ზოგიერთ შემთხვევაში, სწრაფი ტესტის ან თვით ტესტის პასუხი უარყოფითია და მოლეკულური ტესტის პასუხი კი დადებითი. რატომ ხდება ეს ?  

ამ შემთხვევათა უმეტესობა არის, როდესაც ვირუსული დატვირთვა ცხვირში დაბალია და გადაცემა ნაკლებად სავარაუდოა. ასევე, იმ შემთხვევებში, როდესაც ორგანიზმში არსებულ ვირუსს არ შესწევს სხვისი დაინფიცირების ძალა, მაგალითად, როგორც ეს ხდება,  დიაგნოზიდან 5-10 დღის შემდეგ.  და ბოლოს, შესაძლებელია, რომ ვაქცინაციით წარმოქმნილმა ანტისხეულებმა მოახდინოს ვირუსის ინაქტივაცია, რამაც შეიძლება  გამოიწვიოს უარყოფითი სწრაფი ტესტის, მაგრამ დადებითი მოლეკულური ტესტის პასუხის განვითარება, რაც განპირობებული იქნება ან დაბალი დატვირთვის ან დაქვეითებული (დაზიანებული) ვირუსული ნაწილაკების გამო. 

რა უპირატესობა გააჩნია სწრაფ ტესტს და თვით ტესტს მოლეკულურ PCR- ტესტთან შედარებით? 

უპირველეს ყოვლისა მათი დაბალი ღირებულება, რაც საშუალებას იძლევა გაიაროთ შემოწმება რამდენიმეჯერ იმავე თანხის ფარგლებში რაც ჯდება PCR ტესტი.  ასევე, ის ფაქტი რომ PCR ტესტის გაკეთების შემდეგ პასუხს უნდა ველოდოთ, რამდენიმე საათი ან მთელი დღე (იმის მიხედვით თუ რამდენად გადატვირთულია სისტემა). 

PCR ტესტით შემოწმების გავლა აუცილებელია იმ მოქალაქეებისთვის, რომლებსაც აქვთ COVID-19 ინფექციისთვის დამახასიათებელი ძლიერი კლინიკური ნიშნები და ამავე დროს, სწრაფი ტესტის უარყოფითი პასუხი. 

ისეთი ეპიდემიური მდგომარეობის დროს, რომელშიც ამჟამად ვიმყოფებით, სწრაფი ტესტები და თვით ტესტები ყველაზე  სასარგებლო საშუალებაა იმისთვის, რომ მაქსიმალურად შევუშალოთ ხელი COVID-19 დაავადების გავრცელებას. 

დადასტურებულ შემთხვევასთან კონტაქტის  შემთხვევაში, რამდენად ხშირად უნდა გავიაროთ სკრინინგი? 

ჯანდაცვის სამინისტროს, საზოგადოებრივი ჯანდაცვის საგანგებო სიტუაციების მართვის კომიტეტის მითითებების თანახმად, პირები, რომლებსაც ჰქონდათ კონტაქტი COVID-19-ის შემთხვევებთან, კონტაქტიდან მე-5 დღეს უნდა გაიარონ სამედიცინო შემოწმება. 

ასევე, კოვიდ 19 - ის დადასტურებულ შემთხვევასთან კონტაქტისას რეკომენდებულია, მოქალაქემ მე-3 დღიდან მე-7 დღემდე, ყოველდღიურად გაიაროს შემოწმება თვითტესტის საშუალებით.  

ასევე საინტერესოა

🔴4 წლის შემდეგ დედამ პირველად მოისმინა მისი გარდაცვლილი შვილის გულისცემა (ვიდეო)

🔴საბერძნეთში, დიდი ფასდაკლებები იწყება - ხვალ მაღაზიები ღია იქნება

🔴„მომდევნო 5 წლის განმავლობაში შესაძლოა, საჭირო იყოს წელიწადში ერთი ან ორი, კორონავირუსის საწინააღმდეგო ვაქცინის გაკეთება“ - ჰოპკინსის უნივერსიტეტის პროფესორი