საბერძნეთის ელჩმა დავით ზალკალიანს რწმუნებათა სიგელების ასლები გადასცა

საქართველოს საგარეო საქმეთა სამინისტროში გაიმართა საბერძნეთის რესპუბლიკის, მიერ დანიშნული ელჩის მარია თეოდორუს რწმუნებათა სიგელების ასლების გადაცემის ცერემონია, - ინფორმაციას სამინისტრო ავრცელებს.

უწყების ცნობით, ცერემონიის შემდეგ შედგა მისი შეხვედრა საქართველოს ვიცე-პრემიერთან, საგარეო საქმეთა მინისტრთან, დავით ზალკალიანთან. 

„მინისტრმა და დანიშნულმა ელჩმა აღნიშნეს, რომ ორი ქვეყნის ურთიერთობა გამოირჩევა მჭიდრო ისტორიულ-კულტურული კავშირებით, რაც კარგ საფუძველს იძლევა კიდევ უფრო გაღრმავდეს თანამშრომლობა როგორც ორმხრივ, ისე მრავალმხრივ ფორმატებში. ამასთან, აღინიშნა, რომ დამატებითი პოტენციალი არსებობს სავაჭრო და ეკონომიკურ, ტურიზმის, დაკავშირებადობის (connectivity) და საზღვაო სფეროებში ურთიერთობების გასაღრმავებლად.

სამომავლო გეგმებთან დაკავშირებით აღინიშნა, რომ მიმდინარე წელს, საქართველოსა და საბერძნეთს შორის დიპლომატიური ურთიერთობების 30-ე წლისთავი ქვეყნების მიერ გამოყენებულ იქნება ქართულ-ბერძნული ისტორიული და კულტურული კავშირების პოპულარიზაციისათვის.

შეხვედრის დასასრულს, ბერძენმა დიპლომატმა გამოხატა მზაობა, ახალ თანამდებობაზე საქმიანობისას, აქტიურად შეუწყოს ხელი საქართველოსა და საბერძნეთს შორის ურთიერთობების შემდგომ გაღრმავებას.“, - ნათქვამია სამინისტროს მიერ გავრცელებულ ინფორმაციაში.

ასევე საინტერესოა 

🔴აკროპოლისის პოლიციის დეპარტამენტიდან გაქცეული პატიმარი პოლიციამ რამდენიმე საათში დააკავა

🔴„მრცხვენია, რომ ეს კაცი მამაჩემია“ - 46 წლის ყოფილი ძიუდოისტის მიერ ნაცემი ცოლი, სიცოცხლის შენარჩუნებისთვის იბრძვის

🔴ათენის პოლიციის განყოფილებიდან დაკავებული გაიქცა