საბერძნეთის სანაპირო დაცვისა და ტრანსპორტის სამინისტრო კოვიდ რეგულაციებთან დაკავშირებით, განცხადებას ავრცელებს

საბერძნეთის სანაპირო დაცვისა და ტრანსპორტის სამინისტრო, ქვეყანაში კოვიდ რეგულაციებთან დაკავშირებით განცხადებას ავრცელებს.

აღნიშნული განცხადების მიხედვით, 16 ივლისიდან მოქალაქეებს, რომლებსაც არ აქვთ კოვიდ საწინააღმდეგო აცრა გაკეთებული, საბერძნეთის კუნძულების მიმართულებით და პირიქით, რეგულაციებს დაექვემდებარებიან.

მათ გარკვეული წესების დაცვა მოუწევთ, როგორც სახმელეთო ისე საჰაერო გზით გადაადგილებისას.

მიუხედავად იმისა, რომ აქამდე  გადაადგილებისთვის მყარ გარანტიად უარყოფითი სწრაფი ტესტი ითვლებოდა, რიგი სირთულეების შედეგად, რომელიც კუნძულებზე კოვიდ ტესტების სიმცირის გამო წარმოიშვა, სამინისტრო აცხადებს, რომ ამიერიდან აუცილებლობას წარმოადგენს მგზავრობისას იქონიოთ ჩამოთვლილთაგან ერთ-ერთი საბუთი.

1. ცნობა აცრის შესახებ და 14-დღიანი შუალედი აცრიდან.
2.  PCR ტესტი უარყოფითი პასუხით მგზავრობამდე არაუმეტეს 72 საათისა.
3.  RAPID ტესტი უარყოფითი პასუხით მგზავრობამდე არაუმეტეს 48 საათისა.
4. თან უნდა იქონიოთ დამტკიცებელი საბუთი, რომ გაქვთ გადატანილი კოვიდი და პირველი დადებითი პასუხიდან გასულია 30 დღიდან არაუმეტეს 180 დღემდე.
5. გქონდეთ სწრაფი ტესტის უარყოფითი პასუხი, მგზავრობამდე არაუმეტეს 24 საათისა.   

ტრანსპორტის სამინისტროს განცხადების თანახმად, აღნიშნული წესები იმოქმედებს ყველა სახის საზღვაო ტრანსპორტისთვის, ქვეყნის მასშტაბით ყველა ნავსადგურში.

ასევე, სამინისტრო აფრთხილებს მგზავრებს, გამოცხადდნენ მგზავრობამდე არაუგვიანე საათ-ნახევრით ადრე, რათა არ მოხდეს საზღვაო ტრანსპორტის გადაადგილების დაგვიანება.

საჰაერო გზით კუნძულების მიმართულებითი გადაადგილების შემთხვევაშიც ანალოგიური პირობები მოქმედებს.