საბერძნეთში, 3 იანვრიდან, კოვიდთან ბრძოლის ახალი რეგულაციები ამოქმედდება

საბერძნეთში, კორონა ვირუსის წინააღმდეგ ბრძოლის ფარგლებში, 2022 წლის 3 იანვრიდან 16 იანვრამდე ახალი, შემაკავებელი ზომები ამოქმედდება. ამის შესახებ განცხადება დღეს საბერძნეთის ჯანდაცვის მინისტრმა თანოს პლევრისმა გააკეთა.

კერძოდ 3 იანვრიდან 16 იანვრამდე სავალდებულო იქნება: გაძლიერებული დაცვის მქონე პირბადის (KN-95) ან ორმაგი პირბადის ტარება სუპერმარკეტებში, საზოგადოებრივ ტრანსპორტებსა და ხალხმრავალ ადგილებში. ასევე ორმაგი პირბადის ტარება სავალდებულო იქნება სარესტორნო ქსელებში დასაქმებულ პირთათვის.

რესტორნები და ყველა სხვა გასართობი ქსელები იმუშავებენ 24:00 საათამდე. ასეთ დაწესებულებებში აკრძალული იქნება კლიენტების ფეხზე დგომა, ხოლო თითო მაგიდასთან დასაშვები იქნება მხოლოდ 6 ადამიანის განთავსება. ასევე მკაცრად უნდა იყოს დაცული საჭირო დისტანცია მაგიდებს შორის.

ჯანდაცვის მინისტრის განცხადებით, თუ კი საზოგადოება მკაცრად არ დაიცავს ზომებს, არ არის გამორიცხული, რომ სარესტორნო ქსელებსა და გასართობ ცენტრებში მუსიკა აიკრძალოს. სტადიონებზე დასაშვები გულშემატკივართა რაოდენობა შემოიფარგლება მაქსიმუმ 1000 ადამიანით. აქვე, ჯანდაცვის მინისტრმა, ხაზგასმით აღნიშნა, რომ ზომების გაუთვალისწინებლობის შემთხვევაში, საფეხბურთო თამაშები დახურულ კარს მიღმა ჩატარდება.

მოხუცთა თავშესაფარში ვიზიტები განხორციელდება მხოლოდ კონსულტაციის და 48 საათიანი PCR ტესტის უარყოფითი პასუხის შემთხვევაში. მნახველები არ დაიშვებიან საავადმყოფოებში. კერძო და საჯარო სექტორებში დასაქმებულ თანამშრომელთა 50% პროცენტი დისტანციურ მუშაობაზე გადავა.

ჯანდაცვის მინისტრის განცხადებით აღნიშნული ზომები შესაძლებელია, ძალაში დარჩეს 16 იანვრის შემდეგაც, ქვეყანაში მიმდინარე პანდემიური მდგომარეობის შესაბამისად.

ლელა გაბელაია სპეციალურად exclusivetv.ge-სთვის საბერძნეთიდან

აგრეთვე დაგაინტერესებთ:

📌 შობის დამდეგს საბერძნეთის წყლებში 16 მიგრანტი, მათ შორის ერთი ბავშვი დაიღუპა

📌 იტალიაში იზოლაციის წესები იცვლება?!

📌 სამი დაღუპული და ათობით დაკარგული - რა მოხდა საბერძნეთის კუნძულთან