საბერძნეთში მომხდარი სასტიკი მკვლელობის მთავარი ეჭვმიტანილი 57 წლის კაცია, რომლისგანაც წყვილი ბინას ქირაობდა

საბერძნეთის პოლიცია აგრძელებს ანდრავიდაში მომხდარის სასტიკი მკვლელობის გამოძიებას, სადაც უცნობმა პირმა დედა, მამა და მათი ორი მცირეწლოვანი შვილი მოკლა. 

ბერძნული მედიის ინფორმაციით, პოლიციას მკვლელობის საქმეში უკვე ჰყავს მთავარი ეჭვმიტანილი, რომლის სახლის ჩხრეკისას აღმოჩენილია ცეცხლსასროლი იარაღი. 

საუბარია 57 წლის კაცზე, რომლისგანაც ალბანელი ცოლ-ქმარს, საცხოვრებელი ფართი ჰქონდათ ნაქირავები. 

57 წლის ეჭვმიტანილს, მეზობლები ახასიათებენ როგორც სერიოზული ფსიქოლოგიური პრობლემების მქონე, მარტოხელა პიროვნებას, რომლისაც მისი ქცევებიდან გამომდინარე ყველას ეშინოდა და თავადაც გაურბოდა თანამოქალაქეებთან კონტაქტს. 

გავრცელებული ინფორმაციით, 57 წლის კაცს აწ გარდაცვლილ წყვილთან ბინის ქირის გამო დავა ჰქონდა.

როგორც ირკვევა, მას ნათქვამი ჰქონდა, რომ მდგმურებს სახლიდან კონტრაქტით, გათვალისწინებული ვადის ამოწურვამდე უფრო ადრე გაყრიდა. კონტრაქტის ვადა კი მარტში იწურებოდა.

სამართალდამცველებმა  კონკრეტულ პიროვნებაზე ყურადღება მას შემდეგ გაამახვილეს რაც, ალბანელი სამ შვილიანი წყვილის სახლთან ახლოს მდებარე, მაღაზიებისა და საცხოვრებელი სახლების სათვალთვალო კამერებმა, 57 წლის კაცის საეჭვო მოძრაობები დააფიქსირა. 

შეგახსენებთ, რომ სასტიკი მკვლელობა საბერძნეთში 2 მარტს ღამის საათებში მოხდა.

მკვლელობის შესახებ, მას შემდეგ გახდა ცნობილი რაც სახლში დაბრუნებულმა 11 წლის ბავშვმა, დედა, მამინაცვალი და ორი მცირეწლოვანი და ძმა სისხლის გუბეში აღმოაჩინა. 

ასევე საინტერესოა

🔵სასტიკი მკვლელობა საბერძნეთში - სახლში დაბრუნებულმა 11 წლის ბიჭმა დედა, მამა და და - ძმა მოკლული აღმოაჩინა

🔵თესალონიკის საქართველოს საკონსულო, უკრაინელებისთვის ჰუმანიტარული დახმარების მსურველთათვის საჭირო ინფორმაციას ავრცელებს

🔵საბერძნეთში, ღია სივრცეში პირბადის ტარება სავალდებულო აღარ იქნება