საბერძნეთში, მომავალი კვირიდან ზაფხულის პირველი ყველაზე ცხელი დღეები იწყება - ტემპერატურა +40 გრადუსს მიაღწევს

საბერძნეთის უმეტეს რაიონში, ამ შაბათ-კვირას  წვიმა და ელჭექი არის მოსალოდნელია. თუმცა, ამინდი რადიკალურად შეიცვლება და საბერძნეთში ზაფხულის პირველი ძალიან ცხელი დღეები დაიწყება. 

მეტეოროლოგი კლეარხოს მარუსაკისის განცხადებით, შაბათი (18 ივნისი) „კარგი ამინდით და მოწმენდილი ცით დაიწყება, თუმცა დღის მეორე ნახევარში მოიღრუბლება მოსალოდნელია წვიმა და  ელჭექი. ჰაერის ტემპერატურა ზოგან +33 გრადუსამდე მოიმატებს. ეგეოსის ზღვაში, ჩრდილოეთის ქარი 7 ბოფორტამდე დაუბერავს რაც აღმოსავლეთისა და სამხრეთის რეგიონებში ხანძრის გაჩენის  რისკს ზრდის “. 

ორშაბათს 20 ივნისიდან კი ამინდი ქვეყნის მასშტაბით საგრძნობლად გაუმჯობესდება. თუმცა ძალიან მაღალი სიცხეები (καύσωνας) სამშაბათიდან დაიწყება. ტელეკომპანია SKAI-ს მეტეოროლოგის  პროგნოზით, სამშაბათს ჰაერის ტემპერატურა თითქმის მთელ საბერძნეთში და მათ შორის ატიკაში +36°C-ს მიაღწევს, ოთხშაბათიდან კი კიდევ რამდენიმე გრადუსით მოიმატებს.

როგორც მეტეოროლოგი აღნიშნავს, მომდევნო კვირის,  ხუთშაბათი  და პარასკევი ყველაზე ცხელი დღეები იქნება და სავარაუდოდ წლევანდელი ზაფხულის პირველი +40°C ტემპერატურა დაფიქსირდება.

ზაფხულის პირველი ყველაზე ცხელი დღეების ნაკადი დაახლოებით 10 დღე გაგრძელდება. 

ასევე საინტერესოა: 

🔵20 ივნისს, აკროპოლისის მუზეუმში შესვლა მხოლოდ 5 ევროდ იქნება შესაძლებელი

🔵საბერძნეთში, მომავალი თვიდან ეპიდემიოლოგიური სურათი შეიძლება მკვეთრად შეიცვალოს - პროფესორი სასწრაფოდ ზომების მიღებას ითხოვს

🔵ტრაგედია საბერძნეთში: სახლში დარჩენილი ჩანთის გამო, 2 შვილის დედა მეზობლის აივნიდან გადმოვარდა