3-წლიანი ემიგრაციიდან დაბრუნება და გზად ავარია

"3-წლიანი ემიგრაციიდან დაბრუნება და გზად ავარია. დავიმტვრიე, მაგრამ მადლობა უფალს გადავრჩით ყველა. ყოველდღე უფალს შესთხოვეთ ჯანმრთელობა, დანარჩენს ყველაფერს ეშველება", - იტალიიდან საქართველოში დაბრუნებული სოფო გუნაშვილი, აეროპორტიდან სახლისკენ მიმავალ გზაზე, მძიმე ავარიაში მოყვა. როგორ, სოფო ჩვენთან საუბრისას ამბობს, იმ მანქანიდან ცოცხალი გადმოსვლა უბრალოდ წარმოუდგენელია. ემიგრანტი ამასთან დაკავშირებით, სოციალურ ქსელში პოსტსაც აქვეყნებს:

"დავიწყებ მოყოლას იმ მომენტიდან, როცა ჩემი გოგო ვნახე და გულში ჩავიკარი. სასწაული ემოცია იყო, ვერ ვიჯერებდი, რომ ასეთი დიდი გოგო მყავდა. ტელეფონით დანახული სულ სხვანაირი იყო. ბედნიერი წამებით, წუთებით და საათებით ვტკბებოდით, როდესაც განსაცდელი დაგვატყდა თავს. უფლის წყალობით უვნებლები ამოვედით. ადამიანები ვერა, მაგრამ უფალი ყველაფერს ხედავს  და სწორედ ამიტომ გადავრჩით. უღრმესი მადლობა მინდა გადაგიხადოთ მოკითხვისთვის, ყურადღებისთვის, თანადგომისთვის.

ბედნიერი ვარ რომ მყავს ისეთი ხალხი, ვისაც ჭირშიც ვახსოვარ და ლხინშიც. განსაკუთრებული მადლობა მინდა გადავუხადო ნესტანის, რომელიც 75 წლისაა, ისიც ჩემსავით ემიგრანტია. ატირებული მწერს და მეუბნება, რომ ხვალვე გამომიგზავნის თანხას რათა თავს მივხედო.

გესმით რას ნიშნავს, ამ ასაკში ქალი წვალობს და ემეტება ჩემთვის, არც ისე ცოტა თანხაზეა საუბარი. მადლობა ნესტანი შენ ასეთი გვერდში დგომისთვის. მე არაფერი გამიჭირდება, უფალი ყოველთვის მეხმარება გამოსავლის მოძებნაში.

მადლობა ყველა თქვენგანს, ვინც ერთი მესიჯიც კი მომწერეთ და ბოდიში, რომ ვერ გაგეცით ყველას პასუხი. ბედნიერი და ამაყი ვარ, რომ ამდენი კარგი ადამიანი მყავს გვერდით. უფალმა სულ სიკეთით გატაროთ და ბევრი შეგაძლებინოთ. ჩვენ ყველა უკეთ ვართ და ნელ-ნელა ვუბრუნდებით ჩვეულ ცხოვრებას. კიდევ ერთხელ მადლობა," - წერს საქართველოში დაბრუნებული ემიგრანტი.

ExclusiveTV-ის რედაქცია ულოცავს სოფოს მშვიდობით გადარჩენას და ჯანმრთელობას უსურვებს.