იტალიაში, მოსამსახურეებზე და "ბადანტეებზე" მოთხოვნა გაიზარდა

2020 წლის ბოლოს იტალიაში, ოჯახებში ლეგალურად დასაქმებულ პირთა რაოდენობამ 992 ათასი შეადგინა. თუ გავითვალსწინებთ არალეგალურად დასაქმებულთა მომვლელების, ძიძების, შინამოსამსახურეების რიცხვსაც, მონაცემები 2.3 მილიონამდე აღწევს.

დამსაქმებელი ოჯახების 94.9% იტალიურია, 2.4^ - ევროპის სხვა ქვეყნის მოქალაქეა, ხოლო 2.6% - არაევროპული ქვეყნების წარმომადგენლები.

საინტერესოა მონაცემებია დამსაქმებელთა ასაკთან დაკავშირებით. 60 წლამდეა მათი 31.5%. მათ მიერ გაფორმებული კონტრაქტები ძირითადად შინამოსამსახურის და ძიძის კონტრაქტს გულისხმობს. 80 წელს არის გადაცილებული დამსაქმებელთა 35.9%, ასაკის შემსაბამისად, მათ, მომვლელები, ე.წ. „ბადანტეები“ ჰყავთ დაქირავებული.

საინტერესოა დასაქმებულთა კონტინგენტის გადანაწილება რეგიონების მიხედვით. ამ ადამიანების თითქმის მესამედი, კონცენტრირებულია ორ რეგიონში - ლომბარდიასა და ლაციოში. 2020 წელს შინამოსამსახურეებზე და მომვლელებზე მოთხოვნამ მკვეთრად, თითქმის 8.5%-ით მოიმატა. ყველაზე დიდი ზრდა ბაზილიკატას რეგიონში დაფიქსირდა - 20%-ზე მეტი.

კიდევ უფრო გაიზარდა შემთხვევები, როცა დაქირავებული პირი, იმავე ოჯახში ცხოვრობს, სადაც მუშაობს, ასეთი ტიპის სამუშაო კონტაქტი 2020 წლის მონაცემებით, 220 ათასია დარეგისტრირებული.