„ერთი ემიგრანტი ქალბატონი ჰყვებოდა“ - ამბავი, რომელიც ძალიან გაგახალისებთ

ამ სახალისო ამბავს, იტალიაში მოღვაწე, მოლეკულური ბიოლოგიის ასოცირებული პროფესორი, სოლომონ ნერგაძე საკუთარ „ფეისბუკ“ გვერდზე ავრცელებს. 

„ერთი ემიგრანტი ქალბატონი ჰყვებოდა პირწიგნაკზე:
იტალიაში, ერთ ქალაქში ჩასულს,სადაც ახალ სამუშაოზე გადავიდა, მოხუცის შვილი დახვედრია მოტოციკლით.
შემოიჯინა ქალი უკან და დააწვა, თურმე.
- ვაი! - ამოუკრუსუნებია ქალს.
კაცმა მოუმატა სიჩქარეს.
- ვაი! - უფრო ხმამაღლა აღმოხდა, თურმე, ქალს.
მძღოლმა კიდევ უფრო მოუმატა სიჩქარეს, მიაჭირა 200 კმ/სთ-ს.
- ვაი! - უფრო ხმამაღლა უკივლია ქალს.
ის კიდევ, კიდევ უფრო დააწვა გაზს...
- ვაიიიი! - გამეტებით უკივლია ქალს.
მოტოციკლისტმა რაღაც ჩაიბურდღუნაო და კიდევ უფრო მოუმატაო სიჩქარეს.
მიფრინდნენ თურმე სახლში.
გამოსულა ჭიშკართან მოტოციკლისტის ცოლი.
გადასულა ეს ქალი მოტოციკლეტიდან. ენაჩავარდნილი. გაყვითლებულ-გაწითლებულ-გალურჯებული და რა ვიცი, კიდევ... მოკლედ, ნიუტონის ხილული სპექტრი და უხილავი, ინფრაწითელი სხივებით წვავს ყველაფერს გარშემო...

- Lei non è come te!... Tu stai morendo quando vado 100 kilometri al ora!...
Questa ragazza è molto, ma molto brava... Andando 280 km/ora lei continuava gridarmi "Vai!.... Vaiiii!..."***

(*** - შენნარირი კვტარი კი არაა, ასი კილომეტრი საათში სიჩქარისას რო კვტები. ეს ქალი მაგგარრია, ძალიან ძალიან მაგგარრია... 280 კმ/სთ სიჩქარით მივფრინავდი და ეგ კიდო მიყვიროდა "მიდი!.... მიდიიიი!..."-ო).
Vai! - მიდი!“ - წერს სოლომონ ნერგაძე.

აგრეთვე დაგაინტერესებთ:

📌 მოხუცი ბებო, მზრუნველი მეზობლები და კარს მომდგარი ახალი წლის ისტორია

📌 ახალ წელთან დაკავშირებული ,,ცრურწმენები”

📌 ქართველი პროფესორის იტალიური ამბები - „ქალი გადმოვიდა, ქალის უნახავს გაგხდიდათ“