მოხუცი ბებო, მზრუნველი მეზობლები და კარს მომდგარი ახალი წლის ისტორია

ოზურგეთის მუნიციპალიტეტის, სოფელ მელექედურის მკვიდრი ლაშა ღლონტი, წინა საახალწლო სამზადისის შესახებ წერს. ამბავი, რომელსაც ლაშა გვიყვება არცერთ ადამიანს, ვინც სოფლის, სტუმარმასპინძლობის და კარგი მეზობლის ფასი იცის, გულგრილს არ დატოვებს.

ლაშა ღლონტი, რომელიც დედაქალაქში ცხოვრობს, სოფელში მარტო მყოფ მოხუც ბებიას ხშირად სტუმრობს. როგორც წესი, ამჯერადაც ბებიასთან იმყოფება, რადგან მოხუცმა ახალ წელს თავი მარტო არ იგრძნოს.

„დღეს ისეთი დღეა აი არავის რომ არ სცალია. ზოგი საყიდლებზეა, ზოგს რაღაცები აქვს მოსაწესრიგებელი, მეც ამ სიაში ვარ. ჰოდა ვემზადებოდი ხვალისთვის, ჯერ რაღაცები მოვაწესრიგე, მერე საყიდლები რომ არ გამომრჩენოდა სია ჩამოვწერე და მოვემზადე ბაზარში წასასვლელად.

სანამ წავიდოდი ჯერ ერთი მეზობელი მესტუმრა, რაღაც პატარაა ცელოფნის პარკით - შემოვიპატიჟე, თუმცა არ გაჩერდა, ეჩქარებოდა. მეც იქვე ხომ არ გავხსნიდი და სახლში დავდე. ამასობაში მეორეც, მერე მესამე, სულ მოდიან და მოდიან. დღეს 30 დეკემბერია და საყიდლების სიის ბოლო დღე მქონდა.
იცით რაა? საყიდელი აღარაფერი მაქვს.

ერთი ისღა დამრჩენია, რომ მშვიდად ველოდო კიდევ ერთ დღეს და 12 საათს, რომ რამე გავისროლოთ, აღვნიშნოთ და სტუმრები მივიღოოო. მადლობა ყველას! გილოცავთ დამდეგს!“ - წერს ლაშა ღლონტი.

პ.ს. ფოტოები გადაღებული სოფელ მელექედურში.

აგრეთვე დაგაინტერესებთ:

📌 მენეჯერმა ყავის და კრუასანების თანხა არ გამომართვა - მე შენს ქვეყანაში ვიყავი და საოცარი ხაჭაპური გაქვთო

📌 ქართველი ძიძის მიერ ქართულად ალაპარაკებული 5 წლის აიდა (ვიდეო)

📌 „ეტყობა ქურდმა რომ ნახა, ამ ქეისში ისეთი ჩხაკუნა რაღაც იდო, რომელსაც ვერ გაყიდდა, იქვე მიაგდო“ - დაუჯერებელი ისტორია