იტალია: „ადრე თუ გვიან ჩვენ შევწყვეტთ ემიგრანტების საშიშროებად აღქმას“

ადრე თუ გვიან ჩვენ შევწყვეტთ ემიგრანტების საშიშროებად აღქმას და დავიწყებთ მათ დანახვას, როგორც რეალურად არიან: რესურსს. - ამ შინაარსის წერილს საინფორმაციო სააგენტო stranieriinitalia.it ავრცელებს.

სააგენტოს მიერ გავრცელებული ინფორმაციის თანახმად: განსაკუთრებით ისეთ ქვეყანაში, როგორიც იტალიაა, რომელიც უპრეცედენტო და შეუქცევად დემოგრაფიულ კრიზისში იმყოფება, ემიგრაცია საფრთხედ ვერ აღიქმება. ამ თვალსაზრისით, ემიგრანტები აშკარად არ არიან საკმარისი ამ ფენომენთან საბრძოლველად. - წერია სასწავლო ცენტრის „Idos“ საიმიგრაციო დოსიეში.

ემიგრანტები, რესურსი იტალიისთვის - „ნაკლები მოსახლე ნიშნავს ნაკლებ პოტენციურ მუშაკს, ნაკლებ წარმოებას, გადასახადებს, მოხმარებას,  რომელიც გამოწვეულია მოსახლეობის შემცირებით, რაც იტალიაში ბოლო ოცი წლის განმავლობაში მიმდინარეობს.

ეკონომისტ კარლო კოტარელის განაცხადებით, - „ვითარება ისეთია, რომ შესაძლოა, არც თუ ისე შორეულ მომავალში სახელმწიფო ფინანსების არამდგრადობა გამოიწვიოს. ამჟამინდელი მონაცემებით, ფაქტობრივად, იტალიაში 59,3 მილიონი რეზიდენტია, მათ შორის 6 მილიონი ლეგალურად მყოფი უცხოელი. ათი წლის წინ კი 60,3 მილიონი იყო. Istat-ის თანახმად, ამ ტემპით 2030 წელს 58 მილიონამდე შემცირდება, 2050 წელს 54-მდე და 2070 წელს 47-მდე.

ჯამპაოლო გალის, Cattolica-ს ეკონომისტის შეფასებით, სახელმწიფო ამ შეუქცევად პროცესს ორგანიზებული უნდა შეხვდეს და კომპანიების დაქირავების საჭიროებების და თითოეული სუბიექტის უნარების იდენტიფიცირებით, თანამშრომლობა უნდა მოხდეს ემიგრაციის წარმოშობის ქვეყნებში არსებული იტალიის საელჩოებთან შეთანხმებით. მიგრანტებს უნდა შეეძლოთ, საელჩოებს იტალიაში დასაქმების შესაძლებლობების მისაღებად მიმართონ.

აგრეთვე დაგაინტერესებთ:

📌 რეჯიო-დი-კალაბრიაში მცხოვრები ქართველების საყურადღებოდ - „მოერიდეთ ქუჩაში ნაგვის დაყრას“

📌 ემიგრანტობიდან ექიმობამდე - „ათი წელი დასჭირდა, ჩემი რეალური მიზნის მიღწევას, ათი ტკივილიანი და დარდიანი წელი“

📌 სამსახურში "დამსაქმებელს" იმდენი გადავუხადე, ახლა უფასოდ როგორ დავთმო? - ემიგრანტის წერილი