იტალიაში მომხდარ აფეთქებას, რომელსაც 9 ადამიანის სიცოცხლე ემსხვერპლა, დამნაშავე ჰყავს?!

ბოლო დღეების განმავლობაში, ExclusiveTV-ი აქტიურად აშუქებდა იტალიაში, კერძოდ კი აგრიჯენტოს პროვინციაში მომხდარ უბედურ შემთხვევას, სადაც გაზს გაჟონვას ძლიერი აფეთქება მოჰყვა, რამაც რამდენიმე შენობის ნგრევა და კიდევ რამდენიმეს დაზიანება გამოიწვია. 

მეხანძრე-მაშველებმა გუშინ, ნანგრევებში ბოლო ორ ცხედარს მიაგნეს. აფეთქებისგან გამოწვეულ ნგრევას, სულ 9 ადამიანის სიცოცხლე ემსხვერპლა. 

იტალიური მედიის მიერ გავრცელებული ინფორმაციით, ადგილზე ექსპერტები მუშაობენ. დაიწყო გამოძიებაც. გამოძიების ფარგლებში ცნობილი გახდა, რომ არსებობს ადგილობრივი სასამართლოს განკარგულება, რომლის თანახმადაც, 2014 წელს, აღნიშნულ პერიმეტრზე, უნდა ჩატარებულიყო გაზსადენი მილების განახლება. მაშინდელი ექსპერტიზის დასკვნაში წერია, რომ გაზსადენი მილების ამ მონაკვეთის 76% საჭიროებდა რეაბილიტაციას.

გამოძიება გვიჩვენებს, დადგება თუ არა იმ სამსახურის პასუხისმგებლობის საკითხი, რომელსაც აღნიშნული სამუშაოები უნდა შეესრულებინა.

შეგახსენებთ, რომ 12 დეკემბერს, დაახლოებით 22:00 საათზე, აგრიჯენტოს პროვინციის, მჭიდროდ დასახლებულ ქალაქ რავენუზაში, გაზსადენის აფეთქების შედეგად, რამდენიმე საცხოვრებელი სახლი ჩაინგრა. აფეთქებას ხანძარი მოჰყვა. გარდაიცვალა ცხრა ადამიანი. გარდაცვლილებს შორის არის ახალგაზრდა წყვილი, რომელიც რამდენიმე დღეში პირველ შვილს ელოდა.

ნინა მამუკაძე

იგივე თემაზე:

📌 იტალიაში გაზსადენი აფეთქდა, 12 პირი დაკარგულად ითვლება, მათ შორის სამი ბავშვი (ფოტოები)

📌 ტრაგედია იტალიაში - არიან დაშავებულები და გარდაცვლილები (ვიდეო)

📌 სიკვდილი დაბადებამდე - იტალიაში დატრიალებული ტრაგედიის კიდევ ერთი მსხვერპლი