პიზის ქართული საკვირაო სკოლა, პატარა ქართველებისთვის, სწავლას განაახლებს

პიზის ქართული საკვირაო სკოლა, რომელიც 2021 წელს დაარსდა, სულ მალე, სასწავლო პროცესს განაახლებს. ამის შესახებ განცხადებას, პიზის წმინდა გიორგის სახელობის სამრევლოს წინამძღვარი მათე ქუთელია აკეთებს. 

ქართული საკვირაო სკოლების ფუნქციონირებას საზღვარგარეთ, რომ ფუნდამენტური მნიშვნელობა აქვს, ქვეყნის გარეთ მცხოვრები ახალი თაობის ფორმირებასა და მათში ქართული საწყისის გაღვივებასა და შენარჩუნებაში, უდავოა. სწორედ ამიტომ, თითოეული საკვირაო სკოლის არსებობა, კიდევ ერთი ნაბიჯია, ამ უმნიშვნელოვანესი ქართული საქმისთვის.

"დასავლეთ ევროპის მიტროპოლიტ აბრაამის (გარმელია) კურთხევით, ქ. პიზის წმინდა გიორგის სახელობის სამრევლოსთან არსებული საკვირაო სკოლა, 2022-2023 სასწავლო წელს განაახლებს 2 ოქტომბრიდან. 

სკოლის მიზანია, სამრევლოში მყოფი ბავშვებისთვის ქართული ენისა და ლიტერატურის, საქართველოს ისტორიის, ქართული გალობა-სიმღერის შესწავლა და ემიგრაციის პირობებში სამშობლოს მახსოვრობისა და სიყვარულის შენარჩუნება. სწავლის პროცესი და წიგნებით უზრუნველყოფა სრულიად უფასოა," - აცხადებს სამრევლოს წინამძღვარი მათე ქუთელია. 

ნინა მამუკაძე

იტალია|ფლორენცია

🔵 ასევე დაგაინტერესებთ: 

სასიხარულო ინფორმაცია ემიგრანტებისთვის!!!! ქალაქ ბარიში სასწავლო ცენტრი გაიხსნა

იტალიური ფოტოგამოფენა თბილისში

თორნიკე შენგელია კარიერას იტალიაში გააგრძელებს