რა უნდა იცოდეთ „კაპუჩინოს“ შესახებ

კაპუჩინო - კაპუჩინო, იტალიური სასმელია ესპრესოსა და ქაფიანი რძით დამზადებული. 

კაპუჩინოს, როგორც წესი, არ მიირთმევენ სახლში, მისი დალევა დილაობით, ბარში ურჩევნიათ, ჩვეულებრივ თან ახლავს კრუასანი ან სხვა საკონდიტრო ნაწარმი.

იდეალური კაპუჩინოს დამზადება შეიძლება მარტივი გვეჩვენებოდეს, რადგან ინგრედიენტები ცოტაა, თუმცა რეალურად ასე არ არის. 

პირველ რიგში საჭიროა ესპრესოს მანქანა, ფოლადის კონტეინერი რძისთვის და ბოლოს, დაბალი და ფართო, თეთრი კერამიკული ჭიქა.

რძისა და ყავის რაოდენობა უნდა იყოს ზუსტი: 125 მლ რძე და 25 მლ ყავა.

კარგი, იტალიური კაპუჩინოს მისაღებად, ბარმენმა უნდა მოამზადოს შესანიშნავი ესპრესო, შემდეგ, ორთქლთან ერთად თბება რძე და ესხმება ცხელი რძე ესპრესოზე. 

აუცილებელია ქაფის და ცხელი რძის თანაბარ ნაწილად ჩასხმა. ქაფი ასევე უნდა იყოს კომპაქტური, ხავერდოვანი, ბუშტების გარეშე.

სახელწოდება "კაპუჩინო" მომდინარეობს ყავისფერი ფერისგან, რომელსაც სასმელი იღებს ორი ინგრედიენტის შერევისას: რძე და ყავა. 

ეს იგივე ტიპური ფერია კაპუცინელი ბერების ანაფორისა. 

ლეგენდის თანახმად, კაპუცინელი ბერი იყო პირველი, ვინც რძე და ყავა ერთმანეთს შეურია. “latte art’’-ის თანამედროვე ტექნიკა ბოლო წლებში დაიბადა და ბევრი ბარმენი ამაში ექსპერტია, რძის დოქით ბარმენი ქაფზე ხატავს ნახატს: ფოთოლი, ყვავილი, გული, ვაშლი, კურდღელი ან პეპელა.

კაპუჩინოს კარგად იცნობენ და უყვართ საზღვარგარეთ, მაგრამ ხშირად დიდად განსხვავდება იტალიური კაპუჩინოსგან, დაწყებული კონტეინერის ზომით. 

თუ იტალიაში ფინჯანი 200 მლ დაბალი და ფართოა, ხოლო , პატარა, საშუალო ან დიდი ქაღალდის ჭიქა, უფრო მეტად არის გავრცელებული საზღვარგარეთ და 600 მლნ-მდე ტევადობისაც კი არის.

კონტეინერის მასალა ასევე დამოკიდებულია იმაზე, თუ სად სვამთ კაპუჩინოს: იტალიაში კერამიკის ჭიქა კარგია დახლთან დგომისთვის ან მაგიდასთან მჯდომი. 

ქაღალდის ჭიქა განკუთვნილია კაპუჩინოს წასაღებად, სიარულის დროს ან სამსახურში დასალევად.

და ბოლოს, იტალიაში კაპუჩინოს სვამენ საუზმის დროს, იშვიათად სხვა დროს და არასოდეს სადილისა და ვახშმის განმავლობაში ან მის შემდეგ.

la bevanda _ სასმელი

la schiuma_ ქაფი

il cornetto _ კრუასანი

la macchina per caffe espresso _ ყავის აპარატი

il bricco _ დოქი

la tazza di ceramica_ კერამიკის ფინჯანი

il bicchere di carta_ ქაღალდის ჭიქა

il saio_ ანაფორა 

il fratte capuccino_ კაპუცინი ბერი"

ავტორი: „იტალიური ენა და კულტურა“ (ნატალია ზაზაძე)   

აგრეთვე დაგაინტერესებთ:

📌 9 წლის ქართველ გოგონას იტალიაში საპატიო ელჩის სიმბოლური წოდება მიანიჭეს

📌 „როგორც გურული, წლის შეჯამებას ადრე დავიწყებ“ - რას წერს ემიგრანტი ჟურნალისტი ხათუნა შარაძე

📌 „დაე ეს ნაწერი ემიგრანტ ქალებს მიეძღვნას, ქალებს რომლებიც გაწირეს, ქალებს რომლებსაც უღალატეს და ქალებს რომლებიც ასე უიარაღოდ, მაგრამ მაინც დგანან“ - ემიგრანტის ბლოგი