"Meta-ს ქვეშ ერთიანდება ყველა ქსელი, რომელსაც კომპანია ფლობს, თუმცა პლატფორმა - Facebook-ი, Instagram-ი და WhatsApp-ი, საკუთარ სახელწოდებებს შეინარჩუნებენ" - მარკ ცუკერბერგი

"Facebook-ი ეს არის სოციალური ქსელების საკულტო ბრენდი, მაგრამ იგი მეტწილად უბრალო ვერ მოიცავდა ყველაფერ იმას, რასაც ჩვენ ვაკეთებთ", - ამის შესახებ გლობალური სოციალური ქსელის ფეისბუკის დამფუძნებელმა მარკ ცუკერბერგმა განაცხადა.

როგორც იგი აცხადებს, ახალი სახელწოდების Meta-ს ქვეშ თავს მოიყრის ყველა სოციალური ქსელი, რომელსაც კომპანია ფლობს.

მისივე განმარტებით, პლატფორმა - Facebook-ი, Instagram-ი და WhatsApp-ი, საკუთარ სახელწოდებებს შეინარჩუნებენ.

"ფესიბუქში" რებრენდინგის შესახებ განცხადება იმ ფონზე გააკეთეს, როდესაც ბოლო რამდენიმე დღეა ამერიკულ მედიაში სოციალური ქსელის მიმართ მწვავე და ხმამაღალი კრიტიკა ისმის, რომელიც კომპანიის ყოფილი თანამშრომლის ფრენსის ჰაუგენის ინტერვიუს და მის მიერ გაჟონილ შიდა დოკუმენტებს ეყრდნობა.

სოციალური ქსელის ყოფილმა თანამშრომელმა განაცხადა, რომ კომპანიის ხელმძღვანელობა "მომხმარებელთა უსაფრთხოებაზე მაღლა ფინანსურ მოგებას აყენებს" და "ფეისბუკის ხელმძღვანელი სიტყვის თავისუფლების პრინციპს სოციალური ქსელის აუდიტორიის ზრდის გამო უგულებელყოფდა".

მარკ ცუკერბერგი "ვაშინგტონ პოსტის" აღნიშნულ სტატიას გამოეხმაურა და განაცხადა, რომ "ხორციელდება კოორდინირებული ძალისხმევა ფეისბუკის შესახებ ცრუ სურათის შესაქმნელად".

როგორც ცუკერბერგი აცხადებს, ფეისბუკის მიერ 2021 წელს მომხმარებელთა უსაფრთხოების უზრუნველსაყოფად 5 მილიარდ დოლარზე მეტია გათვალისწინებული.

ასევე დაგაინტერესებთ: 

📌ვინ წარმოიდგენდა, რომ სააკაშვილი საქართველოში მაცივრით ჩამოვიდოდა - ირაკლი ღარიბაშვილი

📌იტალიაში, ემიგრანტი ქალბატონი გარდაიცვალა, რომელიც მძიმე სენს ებრძოდა

📌 "ფეისბუკმა" სახელი ოფიციალურად შეიცვალა