თინეიჯერმა ჩამოვარდნილი შვეულმფრენის პილოტი სიკვდილს გადაარჩინა

19 წლის ბიჭმა ნამდვილი გმირობა ჩაიდინა. ის ვაშინგტონში თავისი ოჯახის ალუბლის ბაღში გადაადგილდებოდა. ტრაქტორს, რომელსაც მართავდა შვეულმფრენი დაეცა. მან არა მხოლოდ თავი გაითავისუფლა ნამსხვრევებისგან, არამედ პილოტიც გადაარჩინა.

The New York Times-ის თანახმად, ლოგან შნაიდერი ბაღში მუშაობდა. მას ყურსასმენები ეკეთა და ხმა არ ესმოდა.

„მაღლა ავიხედე და შემდეგ დავინახე. დავინახე, რომ ჩემკენ მოდიოდა და მივხვდი, რომ აუცილებლად დამეცემოდა“, - იხსენებს ლოგანი.

სწორედ ამ დროს დაეცა მის ტრაქტორს შვეულმფრენი. შნაიდერმა ზურგში ტკივილი იგრძნო. ტრაქტორის საჭე მოიშორა და გამოძვრა.

„სწორედ ამ დროს გავიგონე, როგორ ითხოვდა პილოტი დახმარებას“, - ამბობს ის.

პილოტი კორი ჯონსონი Hiller UH-12E-ში თავდაყირა იყო. უსაფრთხოების ღვედს ვერ იხსნიდა. შვეულმფრენი კი ნელ-ნელა ცეცხლის ალში ეხვეოდა. პილოტი მარტო იყო.

„ცეცხლში ხელი შევყავი და ღვედი გავუხსენი“, - ამბობს შნაიდერი.

ორონდოს სახანძროს თქმით, როცა ადგილზე მივიდნენ, ტრაქტორსაც და შვეულმფრენსაც ცეცხლი ეკიდა. სახანძროს თქმით, ვარდნისას შვეულმფრენი ელექტრო ენერგიის სადენებს გამოედო. ხანძრის ჩასაქრობად სახანძროს ენერგიის შეწყვეტა მოუხდა.

ასევე დაგაინტერესებთ:

🔵ავიაკატასტროფა საბერძნეთში - მაშველები დაღუპულებს ეძებენ

🔵უკრაინაში დაღუპული ქართველი მებრძოლი კახა გოგოლი მშობლიურ ქალაქში, ფოთში გადაასვენეს

🔵17 ივლისის ასტროლოგიური პროგნოზი ზოდიაქოს ყველა ნიშნისთვის

ჯონსონიც და შნაიდერიც საავადმყოფოში გადაიყვანეს. მათ სიცოცხლისთვის საშიში დაზიანებები არ აქვთ.  შნაიდერს მხრებზე მეორე ხარისხის დამწვრობა და ზურგის კუნთის დაზიანება აქვს.

პილოტის დაზიანებებზე ზუსტი ინფორმაცია არ გვაქვს.

ავარიის მიზეზზე გამოძიება უკვე დაწყებულია. ამ შემთხვევის მიუხედავად, შნაიდერს თავისი ოცნების განხორციელებაზე აზრი არ შეუცვლია. მას პილოტობა სურს.