„ბიძინა ივანიშვილზე წიგნში არა ქველმოქმედი, არამედ „გველმოქმედი“ უნდა ეწეროს!“ - შალვა ნათელაშვილი

„ბიძინა ივანიშვილზე წიგნში არა ქველმოქმედი, არამედ „გველმოქმედი“ უნდა ეწეროს!“, - ასე ეხმიანება მე-9 კლასის სკოლის სახელმძღვანელოში არსებული ჩანაწერს „ლეიბორისტული პარტიის“ ლიდერი შალვა ნათელაშვილი.

„აქ ერთი დიდი შეცდომაა, ივანიშვილზე ქველმოქმედი კი არა „გველმოქმედი“ უნდა ეწეროს.

თუმცა, მსოფლიოში არსებულ ყველა გველს იმდენი ვნება არ მიუყენებია კაცობრიობისა და მით უფრო ქართველი ხალხისთვის რაც ამ ბოროტებამ ჩაიდინა.

მარტო ათეულ ათასობით მისეულ კოვიდ-გენოციდის მსხვერპლთა ცხედრები სახეზე ან უკვე სასაფლაოზეა.

ასე,რომ ბოდიში გველებთან“.

წერს შალვა ნათელაშვილი.

მანამდე კი პარტია „დროა“-ს ლიდერმა ელენე ხოშტარიამ დაწერა: „არ გავჩერდებით, სანამ ეს სიმახინჯე არ გამოსწორდება!  სკოლის სახელმძღვანელოში ბელადის დიდება მოინდომეს“.

სასკოლო სახელმძღვანელოში, საქართველოს და მსოფლიოს ისტორიის 9- ე კლასის მეორე ნაწილში, ბიძინა ივანიშვილის მოღვაწეობაზეა საუბარი. 

სახელმძღვანელოში ასევე საუბარია ვარდების რევოლუციისა და საქართველოს მესამე პრეზიდენტის, მიხეილ სააკაშვილის შესახებ.

წიგნში გვხვდება, ყოფილი პრემიერმინისტრის ზურაბ ჟვანიას ბიოგრაფიაც. წიგნში შეტანილია ცნობები ყოფილი პრეზიდენტების, ედუარდ შევარდნაძისა და ზვიად გამსახურდიას შესახებ.

მსგავსი თემები:

🔵 „არ გავჩერდებით, სანამ ეს სიმახინჯე არ გამოსწორდება!  სკოლის სახელმძღვანელოში ბელადის დიდება მოინდომეს“ - ელენე ხოშტარია