ელექტრონული QR კოდის ქონის შემთხვევაში, მატერიალური კოვიდ-ბარათის აღება საჭირო აღარაა - იუსტიციის სახლი

ელექტრონული QR კოდის ქონის შემთხვევაში, მატერიალური კოვიდბარათის აღება საჭირო აღარაა, - ინფორმაციას იუსტიციის სახლი ავრცელებს.

გაააქტიურე ციფრული კოვიდპასპორტი, გადმოწერე აპლიკაცია Georgia e-Health, რომელიც ე.წ. მწვანე პასპორტის ფუნქციას შეასრულებს. 

მხოლოდ იმ შემთხვევაში, თუ მოქალაქეს რაიმე მიზეზით არ შეუძლია ციფრული კოვიდ სერტიფიკატისთვის საჭირო აპლიკაციის ჩამოტვირთვა, მან უნდა მიმართოს იუსტიციის სახლს. 

აპლიკაციაში QR კოდის გააქტიურების შემდეგ, როგორც ქვეყნის შიგნით, ისე ციფრული კოვიდპასპორტების ერთიან სივრცეში გაწევრიანებულ 49-ვე ქვეყანაში მოგზაურობისთვის, მატერიალური კოვიდბარათის ქონა საჭირო აღარ არის.

აპლიკაციის ჩამოტვირთვის და რეგისტრაციის გავლის შემდეგ გაააქტიურებთ QR კოდს და მიიღებთ ვაქცინაციასთან დაკავშირებულ შემდეგ ინფორმაციას: 

ვაქცინაციის ჩატარების თარიღს და ვაქცინის ტიპს
უკანასკნელად ჩატარებულ PCR და ანტიგენის ტესტის შედეგებს
თქვენი ინფიცირების სტატუსს 

აპლიკაციის გადმოსაწერად გამოიყენეთ ბმულები: 
iPhone https://apps.apple.com/us/app/georgia-e-health/id1590322048
Android https://play.google.com/store/apps/details...

ობიექტების ჩამონათვალი სადაც ხვალიდან, 1 დეკემბრიდან, მხოლოდ „მწვანე პასპორტით“ შეხვალთ:

რესტორნები, კაფე - ბარები,  ღია და დახურული სივრცეები, კინოთეატრები, თეატრები, ოპერა, საკონცერტო დარბაზები, გასართობი ცენტრები, სამორინეები და სათამაშო ბიზნესს ობიექტები, სპა ცენტრები, ფიტნესის დარბაზები, სასტუმროები და სამთო კურორტები, მათ შორის საბაგირო. 

ამავე თემაზე:

🔵 სად დაგჭირდებათ 1 დეკემბრიდან „მწვანე პასპორტი“ - მთავრობა მოქალაქეებს აფრთხილებს

🔵 საქართველოსნაირი ქვეყანა მსოფლიოში მეორე არ არის, განსაკუთრებულები ვართ უვადო მწვანე პასპორტითაც – ეკატერინე ტიკარაძე