გახარიამ მართა პანდემია, ღარიბაშვილმა - ვერა, აღარ უსმენს პროფესიონალებს - ნათია მეზვრიშვილი

პარტია “საქართველოსთვის” პოლიტსაბჭოს წევრი, ნათია მეზვრიშვილი აცხადებს, რომ პრემიერ-მინისტრობის პერიოდში, გიორგი გახარიამ მოახერხა პანდემიის მართვა, ხოლო ირაკლი ღარიბაშვილმა-ვერა. 

ნათია მეზვრიშვილი, ხელისუფლებას მიდგომებს უწუნებს და ამბობს, რომ ის სისტემური უნდა იყოს.

„კოვიდს მინდა შევეხო – 14 500 გარდაცვალების შემთხვევა, უამრავი სიტუაცია და დამალული ხელისუფლება. არ მახსენდება ბოლოს როდის გამოვიდა ბატონი პრემიერ-მინისტრი, რომელიც ხელმძღვანელობს უწყებათაშორის საბჭოს, ძალიან მარტივია ასე პასუხისმგებლობის გადატანა, ეპიდემიოლოგებზე, ექიმებზე. ვერ მართეს და ვერ მართავენ. შეატოვეს ეპიდემიოლოგებს. ვერ მართეს. გახარიამ მართა, გახარია რომ იყო, განა მართეს, გახარიამ მართა, გახარია უსმენდა ეპიდემიოლოგებს პროფესიონალებს, ეს ადამიანები აღარ უსმენენ პროფესიონალებს, იღებენ პოპულისტურ გადაწყვეტილებებს. მე ძალიან ვწუხვარ, რა მდგომარეობაშიც ვხედავ სამედიცინო სფეროს წარმომადგენლებს, ამ ადამიანების მხრებზე გადადის ეს ყველაფერი. საზღვრები გახსნეს, არ ვარ საზღვრების გახსნის წინააღმდეგი, მაგრამ გახსნეს ალოგიკურად, მათ შორის, წითელი ზონის ქვეყნებთან, ყველა ფილტრი მოხსნეს, დისტანციური მუშაობა აღადგინეს საჯარო, კერძო სექტორში, პირბადის ტარების უწყინარი რეგულაცია მოხსნეს, მერე მიხვდნენ რომ სისულელე იყო და აღადგინეს და ასეთი უამრავი. ვაქცინაციის ეფექტიანი კამპანია არ უწარმოებიათ, აღარაფერს ვლაპარაკობ მწვანე პასპორტების გაცემის წინაპირობაზე, კოვიდგადატანილებზე ამ პასპორტების უვადოდ მიცემა, როცა რეინფიცირების მაღალი მაჩვენებელია ქვეყანაში. ხელისუფლება არის დამალული, თუ გამოდიან და რამეს ამბობენ, მხოლოდ და მხოლოდ ტყუილებს“,-განაცხადა „ტვ პირველთან“ საუბარში, ნათია მეზვრიშვილმა.

ასევე დაგაინტერე­­­­სებთ:

🔵რას ამბობს ნოსტრადამუსი პუტინზე? ანუ აპოკალიფსის ბოროტების იმპერიის, უკანასკნელი იმპერატორი

🔵ქურდმა სადილეროდან მანქანა მოიპარა, რომელშიც მგზავრი იჯდა

🔵„ჩემი გადარჩენის შანსი არც ისე დიდი იყო, სიცოცხლე შემინარჩუნეს” – ექიმებმა ქუთაისში 22 წლის პოლონელი ტურისტი გადაარჩინეს