მიხეილ ჩხენკელი: ბიძინა ივანიშვილი ისტორიული მნიშვნელობის პიროვნებაა

„ბიძინა ივანიშვილი ისტორიული მნიშვნელობის პიროვნებაა“, - ამის შესახებ განათლებისა და მეცნიერების მინისტრმა, მიხეილ ჩხენკელმა სამინისტროს მიერ გრიფირებულ მე-9 კლასის ისტორიის სახელმძღვანელოებზე საუბრისას განაცხადა. 

„განსაკუთრებით მინდა, აღვნიშნო ბატონი ბიძინა ივანიშვილის უდიდესი როლი ჩვენი ქვეყნის განვითარებაში. რასაკვირველია, ბიძინა ივანიშვილი არის ისტორიული მნიშვნელობის პიროვნება და უაღრესად დიდი ქველმოქმედი. შესაბამისად, თანამედროვე საქართველოს ისტორიაში აუცილებლად ღირსეულად უნდა იყოს წარმოჩენილი და ეს ასეც იქნება შესაბამის სახელმძღვანელოებში“, - ამბობს ჩხენკელი.

მისი თქმით, კატეგორიულად მიუღებელია სიცრუეზე დაფუძნებული ინფორმაციის გავრცელება იმ პიროვნებებისგან, რომლებიც წინა ხელისუფლების დროს მონაწილეობას იღებდნენ განათლებისა და მეცნიერების სფეროს მიზანმიმართულ განადგურებაში.

„ასევე, საზოგადოებას მინდა, შევახსენო, რომ სახელმძღვანელოების გრიფირების პროცესი არის სრულად გამჭვირვალე, ყველას აქვს შესაძლებლობა, იხილოს წარმოდგენილი სახელმძღვანელოების მაკეტები და თავიანთი მოსაზრებები დააფიქსირონ“, - ამბობს მიხეილ ჩხენკელი.

ის განმარტავს, რომ გრიფირების პროცესში მონაწილეობას იღებენ  წამყვანი სპეციალისტები და ჩვენ გვაქვს მაღალი ხარისხის სახელმძღვანელოები. 

მინისტრის კომენტარს საზოგადოებრივი მაუწყებელი ავრცელებს.

ამავე თემაზე:

🔵 "სახელმძღვანელოს არ აქვს პროპაგანდისტული ფორმა, მაგრამ ეშმაკი, რომ დეტალებში იმალება?" - ისტორიკოსი მე-9 კლასის სახელმძღვანელოს შესახებ

🔵 „არ გავჩერდებით, სანამ ეს სიმახინჯე არ გამოსწორდება!  სკოლის სახელმძღვანელოში ბელადის დიდება მოინდომეს“ - ელენე ხოშტარია

🔵 „ბიძინა ივანიშვილზე წიგნში არა ქველმოქმედი, არამედ „გველმოქმედი“ უნდა ეწეროს!“ - შალვა ნათელაშვილი