რის სანაცვლოდ მისცემს ხმას ვახტანგ მეგრელიშვილი შალვა პაპუაშვილს?

"გირჩის" წევრი, ვახტანგ მეგრელიშვილი, შალვა პაპუაშვილის მხარდაჭერას პარლამენტის თავმჯდომარის თანამდებობაზე, იმ შემთხვევაში აპირებს, თუ ის გულწრფელ პასუხს მიიღებს მისგან, თანამდებობიდან წასვლის შემდეგ, პოლიტიკიდან წასვლა-არ წასვლასთან დაკავშირებით. 

„კითხვა მაქვს იცით, როგორი – თქვენ იცით, რამდენად კეთილგანწყობილი ვარ მე თქვენს მიმართ, ასევე წინა თავმჯდომარის მიმართ. ჩვენ აგერ ოთხი ადამიანი ვართ, ჩვენგან ორი იაგო და საბო ავანსის გაცემის თვალსაზრისით აპირებენ, რომ მხარი დაგიჭიროთ. მე რომ გადაწყვეტილება მივიღო, მჭირდება ამ კითხვაზე პასუხი. საქმე იმაშია, რომ ჩვენი მაღალი თანამდებობის პირები ბოლო პერიოდში განსაკუთრებით, არც ადრე იყო ამის დეფიციტი, თანამდებობიდან რომ მიდიან, კაცმა არ იცის, როგორ ქრებიან და რატომ მიდიან. კი დაგვპირდით, რომ ორ თვეში გვეტყვით კუჭავა რატომ წავიდა, მაგრამ ზოგადად მე მგონი, ეს არ არის ნორმალური. თქვენი პოზიცია მაინტერესებს ამ თემაზე – თქვენ რომ წახვალთ, მაგას გვეტყვით თუ არა, პოლიტიკაში დარჩებით თუ არა და მეორე დღიდან, როცა წახვალთ, იტყვით თუ არა, რომ მე აღარაფერი აღარ მეხებაო. მეორე პირი უნდა გახდეთ ამ ქვეყნის კანონმდებლობით, არ ვიცი, მერამდენე, მაგრამ მეორე პირი, ჩემთვის ამ კითხვაზე პასუხი მინდა“, – განაცხადა მეგრელიშვილმა.

ასევე დაგაინტერე­­­­სებთ:

🔵დეზერტირების ბაზართან ურიკაზე კაცი გაიყინა - კალაძე ამბობს, რომ მას ჰქონდა სახლი

🔵კანონი იქნება მიღებული იმ ფორმით, რომ თანამშრომლებს ჰქონდეთ გარკვეული გარანტიები - სოზარ სუბარი სახელმწიფო ინსპექტორის სამსახურზე

🔵გავიგე, თუ რამდენს შოულობდა ქალიშვილი უქმეებზე მუშაობით და უარი ვთქვი შვილიშვილების მოვლაზე