საფრთხის ფონზე NATO საქართველოსთვის მხარდაჭერის გაზრდას განიხილავს - იენს სტოლტენბერგი

საფრთხის ფონზე NATO საქართველოსთვის მხარდაჭერის გაზრდას განიხილავს, - ამის შესახებ NATO-ს გენერალური მდივანი, იენს სტოლტენბერგი აცხადებს.

„კრემლის ამბიციაა გავლენის სფეროების შექმნა და სხვა ქვეყნებისთვის საკუთარი გზის არჩევის შესაძლებლობაზე უარის თქმა. ამიტომ მინისტრებმა განიხილეს იმ პარტნიორების მხარდაჭერაც, ვინც შესაძლოა რისკის ქვეშ იყოს: მათ შორისაა საქართველო და ბოსნია და ჰერცეგოვინა“, - განაცხადა გენერალურმა მდივანმა.

სტოლტენბერგის თქმით, NATO დიდი ხანია ამ ქვეყნებს ეხმარება, მათ შორის თავდაცვის რესურსების გაძლიერებით, რეფორმების გატარებითა და საერთო წვრთნებით ახლა კი ძალისხმევის გაძლიერება განიხილება.

ის აცხადებს, რომ ამ ქვეყნებისთვის საერთოა რუსეთის აგრესია, რასაც სხვადასხვა გზებით: დივერსიით, ქვეყნის შიდა პოლიტიკაში ჩარევით ან პირდაპირ შეჭრით ახორციელებს.

სტოლტენბერგის თქმით, საფრთხე არ გამქრალა, ვინაიდან რუსული ჯარები კვლავ იმყოფებიან საქართველოსა და მოლდოვის ტერიტორიებზე. ახლა კი უკრაინის ფონზე რისკები გაზრდილია და საჭიროა NATO-მ ამ ქვეყნებისთვის დახმარების გაზრდის გზებზე მოკავშირეებთან ერთად იმსჯელოს.

„ეს ქვეყნები სხვადასხვანაირი გამოწვევების წინაშე დგანან. რაც მათ საერთო აქვთ ისაა, რომ ჩვენ გვინახავს როგორ ცდილობს რუსეთი თავისი ძალის გამოყენებით მათ გამოწვევას. ნაწილობრივ ეს ხდება დივერსიებით, მათ ხელისუფლებაში ჩარევით ქვეყნის შიდა პოლიტიკურ პროცესებში, ან სამხედრო შეჭრით. საქართველოში რუსეთი შეიჭრა. და რუსი სამხედროები ისევ აკონტროლებენ საქართველოს ნაწილებს: აფხაზეთს და სამხრეთ ოსეთს.

უკრაინაში რუსეთის შეჭრამდეც ეს ქვეყნები იდგნენ გამოწვევების წინაშე, რაც რუსეთისგან ნაწილობრივ მაინც იყო გამოწვეული, მაგრამ რისკი ახლა გაიზარდა და საჭიროა დახმარებების და მხარდაჭერის გაზრდა და სერიოზული დისკუსიები მთელმა ნატომ, რათა გავარკვიოთ რისი გაკეთება შეგვიძლია რუსეთის საფრთხის წინაშე მათ დასახმარებლად", - განაცხადა იენს სტოლტენბერგმა.

ასევე საინტერესოა;

🔵 თამარ გვერდწითელი, სოსო პავლიაშვილი და ქეთა თოფურია ხვალ კრემლში იმღერებენ - ნეტგაზეთი

🔵 "ეს "გადამფრენი ფრინველები" თუკი აქ დაიბუდებენ, უნდა გვახსოვდეს, რომ "ცივ ქვეყანაში" აღარ გაფრინდებიან, - აქ გადმოიტანენ იმ ქვეყანას!" - ბონდო მძინარაშვილი საქართველოსკენ დაძრულ "ლტოლვილების" ნაკადზე