ზაზა სარალიძე პრეზიდენტს მიმართავს შეიწყალოს მისი შვილის მკვლელები და ნასამართლეობაც მოუხსნას!

ხორავას ქუჩაზე მოკლული დავით სარალიძის მამა, ზაზა სარალიძე საქართველოს პრეზიდენტს სალომე ზურაბიშვილს მიმართავს, შეიწყალოს მისი შვილის მკვლელები და ნასამართლეობაც მოუხსნას!

ზაზა სარალიძე სოციალურ ქსელში პოსტს აქვეყნებს, რომელსაც „ექსკლუზივTV“ უცვლელად გთავაზობთ.

„ზაზა სარალიძის დამოკიდებულება ამ შემთხვევაში საფუძველს მოკლებულია, დაუშვათ, დავუჯერე და ვაღიარე დანაშაული შეწყალებისთვის, მაგრამ არ შეიწყალეს, მერე რა ვქნა, 12 წელი უნდა იჯდეს ციხეში? ზაზა სარალიძის პოზიცია გასაგებია, მაგრამ არსებობს საჯარო ინტერესი, მხოლოდ ზაზა სარალიძის განცხადებით არ წყდება. თუ პრეზიდენტი შეწყალებას გადაწყვეტს, განაჩენი უნდა იყოს დამდგარი, რომ შეიწყალოს, იქნება მართალია და მართალი კაცის შეწყალება არ გამიგია. თუ გამტყუნდება, მერე ვილაპარაკოთ“, - განაცხადა დადიანმა

ბატონო დავით!!! ვაფასებ თქვენნაირ იურისტებს, თქვენც კი აღიარეთ თქვენი დაცვის ქვეშ მყოფი დამნაშავედ!!!

რაც შეეხება შეწყალებას...

მე ზაზა ფრიდონის ძე სარალიძე ვითხოვ საქართველოს პრეზიდენტისგან, რომ ყველა ბრალდებულს, მსჯავრდებულს და უკვე მსჯავრ მოხდილი ადამიანებისაკენ გადადგას ჰუმანური ნაბიჯი და გაუუქმოს ყველანაირი სასჯელი და მოუხსნას ნასამართლეობაც კი, რომ შეძლონ ჩვეულებრივ ცხოვრების ფერხულში ჩაბმა.

ქალბატონო სალომე!!!

იმედი მაქვს ამჯერად მაინც არ გასწევთ გვერდზე ჩემი და ჩემი ოჯახის ინტერესებს, როგორც საპარლამენტო კომისიის დროს გააკეთეთ.

გთხოვთ გამოიყენოთ თქვენს ხელთ არსებული ბერკეტები ამ ადამიანების მიმართ და ამ ნაბიჯით დაასრულოთ ჩემი ოჯახის სხვადასხვა მეთოდებით დისკრედიტაცია და ტალახში ამოსვრა.

ღმერთმა დალოცოს და გააძლიეროს საქართველო“, - წერს მოკლული დათუნა სარალიძის მამა, ზაზა სარალიძე ფეისბუკის საკუთარ გვერდზე.

2017 წლის 1 დეკემბერს, თბილისში, ხორავას ქუჩაზე მოზარდებს შორის მომხდარ დაპირისპირებას ორი არასრულწლოვნის – დავით სარალიძისა და ლევან დადუნაშვილის სიცოცხლე ემსხვერპლა.

ამავე თემაზე:

🔵 ღარიბაშვილის ცოლის ძმა ადასტურებს, რომ ზაზა სარალიძეს აგინა

🔵 "ზაზა სარალიძის გაუბედურებულ, გატანჯულ სახეს მოვკარი თვალი და ..." - რას წერს აშშ-ში მცხოვრები ქართველი ექიმი ზაზა სარალიძის ტრაგედიაზე