ღარიბაშვილის ცოლის ძმა ადასტურებს, რომ ზაზა სარალიძეს აგინა

პრემიერ-მინისტრ ირაკლი ღარიბაშვილის ცოლის ძმა ალექსანდრე თამაზაშვილი ადასტურებს ზაზა სარალიძისადმი  გინების შემცველი ტექსტის ავთენტიკურობას, რომელიც მან შვილმოკლულ მამას სოციალურ ქსელში  მისწერა.

ფეისბუკის საკუთარ გვერდზე, ყოფილი დეპუტატი ზაზა სარალიძის პოსტს აზრიარებს, სადაც ზაზა სარალიძე პრემიერ-მინისტრის ოჯახის მისამართით იგინება და აცხადებს, რომ თუ სარალიძის ეს პოსტი ავთენტურია, მისი გინებაც ავთენტურად მივიჩნოთ: თუ ეს პოსტი ავთენტურია , ჩემი მისდამი გინებაც ავთენტურად ჩათვალეთ! წერტილი“,-წერს თამაზაშვილი.

გუშინ, 30 ნოემბერს ხორავას ქუჩაზე მოკული დავით სარალიძის მამამ, ზაზა სარალიძემ განაცხადა, რომ ღარიბაშვილზე კრიტიკული სტატუსის შემდეგ მუქარის შემცველ და შეურაცხმყოფელ წერილებს იღებს. სარალიძის თქმით, მუქარის შემცველი შეტყობინებები მას შემდეგ მიიღო, რაც ირაკლი ღარიბაშვილი კორონავირუსის არასწორი მართვის გამო გააკრიტიკა და შეაგინა.

ამის შესახებ ზაზა სარალიზემ ტელეკომპანია „პირველის“ ეთერში 30 ნოემბერს ისაუბრა. სარალიძე და მისი უფლებადამცვლი აცხადებენ, რომ მუქარისა და შეურაცხმყოფელი მესიჯების უკან ღარიბაშვილის გარემოცვა დგას. სარალიძის ოჯახის ადვოკატის, ნესტან ლონდარიძის თქმით, ერთ-ერთი წერილი სარალიძემ ირაკლი ღარიბაშვილის ნათესავისგანაც მიიღო:

“დღეს კიდევ ერთი ბიძა დავასაფლავე, ჩემი გამზრდელი ბიძა, რის გამოც დაიმსახურა ღარიბაშვილმა ჩემი შეურაცხყოფა და დაიმსახურებს ყოველთვის. რამდენი ადამიანიც გარდაიცვლება დღეში კოვიდით, ეს არის პირდაპირ ღარიბაშვილის პასუხისმგებლობა. ღარიბაშვილი არის ერთი დიდი ოჯახის ხელმძღვანელი. როცა ხელმძღვანელის დაუდევრობით ადამიანი კვდება, ვის კისერზეა? ეს არის, რა თქმა უნდა, ოჯახის უფროსის კისერზე.

ძალიან ბევრი ნათესავი დავკარგე, მამიდაშვლი დავკარგე, ბევრი ადამიანი დავკარგე, ამან გამოიწვია ჩემი გაღიზიანება ღარიბაშვილის მიმართ და იმის მაგივრად, ჩემთვის ეკითხათ, რა მოხდა, ვიღაცები მომიგზავნეს და ცოლ-შვილის გაუპატიურებითა და რაღაცებით მემუქრებიან. ესენი არიან არანორმალურები აბსოლუტურად ყველა”, – ამბობს ზაზა სარალიძე გადაცემაში „რეაქცია“.

ასევე დაგაინტერესებთ:

🔵7 ნოემბერს რომ გვესროლეს და გაზით დაგვხოცეს, დიდი წილი ამ ეკიპირებისა და აპარატურის ბიძინას ფულით იყო ნაყიდი - დავით ბერძენიშვილი

🔵კი დააბრალებ ყველაფერს ექიმი კორონას, მაგრამ შენ თავად ხომ იცი, რაც და როგორ იყო? - იაგო ფრანგიშვილი

🔵გიგი უგულავა სასამართლომ 3 ათას ლარიანი ჯარიმის სანაცვლოდ გათავისუფლდა