არ მგონია, რომ დღეს იყოს საბოლოო გადაწყვეტილება - ბადრი ჯაფარიძე

არ მგონია, რომ დღეს იყოს საბოლოო გადაწყვეტილება, დაველოდოთ. დღეს არის ბოლო სხდომა და დაველოდოთ მოსამართლე რას იტყვის, რადგან ამის შემდეგ მას სჭირდება დრო სათათბიროდ, – ამის შესახებ „ლელოს“ ერთ-ერთმა ლიდერმა, ბადრი ჯაფარიძემ თბილისის საქალაქო სასამართლოში მისი, მამუკა ხაზარაძის და ავთო წერეთლის სასამართლო პროცესის დაწყებამდე განაცხადა.

ჯაფარიძის თქმით, მას რაიმე პროგნოზის გაკეთება მოსამართლის საბოლოო გადაწყვეტილებასთან დაკავშირებით არ სურს.

„წინასწარ არ მსურს ჩემს სიტყვაზე ვისაუბრო. მე შევაფასებ ამ პროცესს, რომელიც არის სრულიად პოლიტიზებული დევნის კლასიკური მაგალითი და ეს გრძელდება უკვე 3 წელიწადია, მაგრამ ხაზი მინდა გავუსვა, რომ ჩვენ ამ სამმა წელმა პირიქით, გაგვაძლიერა იმ რწმენაში, რომ ეს რეალობა და მოცემულობა უნდა შევცვალოთ და ამისთვის არაფერი უნდა დავიშუროთ. ძალიან მნიშვნელოვანია დასკვნა და შედეგი ამ 3-წლიანი დევნის, დანარჩენს დაველოდოთ“, – განაცხადა ჯაფარიძემ.

ცნობისთვის, ე.წ. ფულის გათეთრების საქმეზე ბრალდებულების – მამუკა ხაზარაძის, ბადრი ჯაფარიძისა და ავთანდილ წერეთლის ბრალდების სისხლის სამართლის საქმეზე დღეს, 11 იანვარს შესაძლოა, განაჩენი გამოცხადდეს.

ასევე დაგაინტერე­­­­სებთ:

🔵

🔵

🔵