"არსებული ინფორმაციით, ტრანსნაციონალური დანაშაულის უკან დავით კეზერაშვილი მოიაზრება" - ექპსერტი, დავით ქართველიშვილი

"უკრაინული ჟურნალისტური წრეების ზოგიერთი წარმომადგენლის მხრიდან, ჩემთვის ხელმისაწვდომი გახდა ინფორმაცია მსგავსი „ქოლ-ცენტრების“ მათი ქვეყნის ტერიტორიაზე არსებობის თაობაზე. ამ ეტაპზე არსებული ინფორმაციით, აღნიშნული ტრანსნაციონალური დანაშაულის უკან დავით კეზერაშვილი მოიაზრება", – ასე ეხმაურება ექსპერტი დავით ქართველიშვილი საქართველოს და გერმანიის ფედერაციის საგამოძიებო უწყებების ერთობლივი ტრანსნაციონალური დანაშაულის გახსნის ფაქტს.

"ამ პოლიტიკურ ციებ-ცხელებაში ერთი საინტერესო მოვლენა ლამის გამოგვეპარა.

გერმანიის სამართალდამცველებისა და საქართველოს მართლმსაჯულების სისტემაში შემავალი უკლებლივ ყველა დანაყოფის მიერ, ერთობლივად ჩატარებული სპეცოპერაციის შედეგად, გახსნილია ტრანსნაციონალური დანაშაული და დაკავებულია ამ ეტაპზე 7 ბრალდებული პირი.

ამ დანაშაულს საფუძველი ჩაეყარა 2015 წელს, როდესაც საქართველოსა და ისრაელის მოქალაქეებმა შექმნეს რა ტრანსნაციონალური სინდიკატი, როგორც საქართველოს, ასევე უკრაინის ტერიტორიაზე - დააფუძნეს რამდენიმე შპს და „ქოლ-ცენტრი“, რომლის უცხო ენების მცოდნე ოპერატორები სთავაზობდნენ გერმანიის და ევროპის სხვა მოქალაქეებს შეღავათიან ფასებში ცნობილი ბიზნეს-ტრენდების აქციების, ფასიანი ქაღალდების, სასაქონლო აქტივების, კრიპტოვალუტის შესაძენად. ~

ელექტრონულ ვაჭრობაში მონაწილეობის მიღებას დანაშაულებრივი ჯგუფის მიერ შექმნილი ელექტრონული პლატფორმების გამოყენებით.

გამოძიება ჯერჯერობით მხოლოდ საწყის სტადიაზეა, თუმცა უკვე ამ ეტაპზე დადგინდა დანაშაულებრივი დაჯგუფების მიერ ევროპის სხვადასხვა სახელმწიფოს მოქალაქეებისთვის მიყენებული ზარალის ოდენობა - 9 490 991 ევრო, 716 642 აშშ დოლარი და 218 000 ბრიტანული გირვანქა სტერლინგი.

უკრაინული ჟურნალისტური წრეების ზოგიერთი წარმომადგენლის მხრიდან, ჩემთვის ხელმისაწვდომი გახდა ინფორმაცია მსგავსი „ქოლ-ცენტრების" მათი ქვეყნის ტერიტორიაზე არსებობის თაობაზე. ამ ეტაპზე, არსებული ინფორმაციით, აღნიშნული ტრანსნაციონალური დანაშაულის უკან დავით კეზერაშვილი მოიაზრება.

ვერსია საინტერესოა, მით უმეტეს, თუ დადასტურდება უკვე საქართველოში დაპატიმრებული პირების მხრიდან ჩვენთან მიმდინარე გამოძიების ფარგლებში", - წერს ქართველიშვილი.

საქართველოს პროკურატურამ გერმანულ მხარესთან თანამშრომლობით ტრანსნაციონალური დანაშაული გახსნა და დააკავა ორგანიზებული ჯგუფის 7 წევრი, რომლებმაც საქართველოში დააფუძნეს ექვსი შპს, რომელთა ბაზაზე მოაწყვეს ე.წ. ქოლცენტრი. ოპერატორებად უცხო ენის მცოდნე პირების დასაქმებით, დანაშაულებრივი ჯგუფის სამიზნეს ევროპის სხვადასხვა ქვეყანაში მცხოვრები მოქალაქეები წარმოადგენდნენ, რომლებიც თაღლითობის მსხვერპლი ხდებოდნენ.

ასევე დაგაინტერესებთ:

🔵 "ჩემი ყველა წარსული ურთიერთობა დასრულებულია, მე და ლიზა მრავალი თვეა ერთად თანავცხოვრობთ, როგორც სრულფასოვანი პარტნიორები" - მიხეილ სააკაშვილის პირველი განმარტება პირად ცხოვრებაზე

🔵"ამ სირთულესაც ერთად გადავლახავთ" - ედუარდ სააკაშვილი დედასთან და ძმასთან ერთად ფოტოს აქვეყნებს

🔵 „მყავს ერთი უსაყვარლესი რძალი და ორი საყვარელი შვილიშვილი, ლიზა იასკოს არ ვიცნობ... “ - რას ამბობს სააკაშვილის მამა შვილის ახალ სიყვარულზე

🔵 "ადვოკატებისა და სააკაშვილის მხრიდან კოვიდპანდემის რეგულაციების სრულად დარღვევა ხდებოდა" - პენიტენციური სამსახური სააკაშვილის ბრალდებას გამოემხურა