"ჩემი ყველა წარსული ურთიერთობა დასრულებულია, მე და ლიზა მრავალი თვეა ერთად თანავცხოვრობთ, როგორც სრულფასოვანი პარტნიორები" - მიხეილ სააკაშვილის პირველი განმარტება პირად ცხოვრებაზე

საქართველოს მესამე პრეზიდენტი მიხეილ სააკაშვილი, რუსთავის ციხიდან მორიგ მიმართვას ავრცელებს.

სააკაშვილი მისი პირადი ცხოვრების შესახებ პირველ განმარტებებს აკეთებს და აცხადებს, რომ მაღალი საზოგადოებრივი ინტერესის გამო გადაწყვიტა განემარტა, რომ  ის და მისი ახალი მეწყვილე უკრაინის რადას დეპუტატი ლიზა იასკო დიდი ხანია ერთად არიან. 

როგორც მიხეილ სააკაშვილი აღნიშნავს, რომ ეს არის დიდი სიყვარულის ისტორია და თავს ბედნიერ ადამიანად გრძნობს.

"მათთვის, ვინც ჩემი პირადი ცხოვრებით არის დაინტერესებული.

ამ ეტაპზე იმაზე ბევრად უფრო მნიშვნელოვან ბრძოლაში ვარ ჩართული, ვიდრე ჩემი პირადი ცხოვრებაა.

თუმცა, რადგანაც ჩემი ცხოვრების ეს ნაწილიც ინტერესის სფეროა და არაერთი კითხვა დაისვა ამ თემის გარშემო, მინდა გიპასუხოთ - ჩემი ყველა წარსული ურთიერთობა დასრულებულია.

მე და ლიზამ დიდი ხნის წინ დავუკავშირეთ ერთმანეთს ჩვენი ცხოვრება და უკვე მრავალი თვეა ერთად თანავცხოვრობთ, როგორც სრულფასოვანი პარტნიორები.

ეს არის დიდი სიყვარულის ისტორია და თავს ბედნიერ ადამიანად ვგრძნობ.

მე ვთხოვ ხალხს პატივი სცენ ჩვენს პირად ცხოვრებას, ისევე როგორც სანდრას პირად ცხოვრებას, რომელსაც კეთილგანწყობით, პატივისცემით ვეპყრობი და მადლობელი ვარ მისი ერთად წარმოუდგენელი ცხოვრებისათვის.

ახლა სრულად ვარ კონცენტრირებული ჩემს ბრძოლაზე. ვაგრძელებ შიმშილობას და გადაწყვეტილი მაქვს ეს საქმე ბოლომდე მივიყვანო", - აღნიშნულია სააკაშვილის წერილში.