"ბუნებაში გასეირნებამაც თუ ვერ უშველა, მერე როგორ მოიქცეს პენიტენციური სამსახური, სად წაიყვანონ, - ცირკში?! ზოოპარკში?! ბოტანიკურ ბაღში?! დენდროლოგიურ პარკში?!" - ბონდო მძინარაშვილი

ჟურნალისტი, პირველი არხის სამეურვეო საბჭოს წევრი, ბონდო მძინარაშვილი საქართველოს მესამე პრეზიდენტის, მიხეილ სააკაშვილის ჯანმრთელობის მდგომარეობის შესახებ ნევროლოგის მიერ გაკეთებულ დასკვნას, სოციალურ ქსელ ფეისბუკში ეხმაურება.

"სააკაშვილის ყოველდღიური მენიუ:

1. ერთი ადვოკატი (მორიგეობით, ვისაც იმ დღეს უწევს);

2. ერთი დეპუტატი (გემოვნებით);

3. ერთი პირადი ექიმი ნიკოლოზ ყიფშიძე;

4. ერთი დედამისი გიული ალასანია;

5. საკვები დანამატები.

კვირაში ერთხელ - ლიზა იასკო.

თვეში ორჯერ - კონსილიუმის "ბანკეტი".

დეპრესია ექნება, აბა, რა მოუვა?!  

პატიმარს, განკურნება-რეაბილიტაციისთვის, ექიმმა ყიფშიძემ ბუნებაში ბადრაგის გარეშე სეირნობა "გამოუწერა".
პატიმარს!

ბადრაგის გარეშე!

დღეს გავიგეთ, რომ თურმე მსჯავრდებული სააკაშვილი ციხის პირობებში ან თუნდაც გორის სამხედრო ჰოსპიტალში იზოლირებულად ვერ განიკურნება!

აი, დარდი!

არა, სააკაშვილის "მენიუ" რომ დაგვცინის, ცხადია, მაგრამ, იქნებ, ფსიქიატრებმა უფრო გარკვევით თქვან, - თუ ბუნებაში გასეირნებამაც ვერ უშველა, მერე როგორ უნდა მოიქცეს პენიტენციური სამსახური, მერე სად წაიყვანონ, - ცირკში?! ზოოპარკში?! ბოტანიკურ ბაღში?! დენდროლოგიურ პარკში?!

თქვენ ხომ გაქვთ პროფესიული რეპუტაცია?!

კარგი, მაგას რომ ასხია, ნათელია და თქვენზე უკეთ ვინ იცის, მაგრამ... თქვენთანაც აბრახუნებენ?!",- წერს მძინარაშვილი.

ამავე თემაზე:

🔲 მიხეილ სააკაშვილს აქვს მძიმე დეპრესია და პოსტტრავმული აშლილობა - ნევროლოგი