„ძალიან არ მინდა გადაცემის შეჩერება დავუკავშირო მუქარებს, რაც „ალტ-ინფოს“ ლიდერებისგან მოდიოდა“ - იმედა დარსალია

საზოგადოებრივმა მაუწყებელმა საკვირაო გადაცემა „ახალი კვირა“ დახურა. გადაცემას და მის ჟურნალისტებს  ძალადობრივი დაჯგუფება „ალტ-ინფო“ ემუქრებოდა.

როგორც გადაცემის წამყვანი იმედა დარსალია ამბობს, კითხვები აქვს, თუმცა პასუხები ჯერ არ მიუღია.

„ძალიან არ მინდა გადაცემის შეჩერება დავუკავშირო მუქარებს, რაც „ალტ-ინფოს“ პარტიის ლიდერებისგან მოდიოდა. მე „ახალი კვირის“ წამყვანი აღარ ვარ. ცოტა მეცინება, ისეთი გადაცემა გაჩერდა, რომლითაც პარლამენტის ტრიბუნიდან ამაყობდა ბორდის თავმჯდომარე.  მაქვს კითხვები, მაგრამ ჯერ პასუხები არ მიმიღია, ერთადერთი, რაც გვითხრეს, ამ გადაცემამ ამ ფორმატით თავისი თავი ამოწურაო.“. - ამოს იმედა დარსალია ჟურნალისტებისთვის მიცემულ ინტერვიუში.

საზოგადოებრივი მაუწყებელი გადაცემა „ახალი კვირის“ ფორმატს ცვლის. ინფორმაცია გადაცემასთან დაკავშირებულ ცვლილებებზე „პუბლიკას“ მიმდინარე და ახალი ამბების ბლოკის დირექტორმა, გიორგი გვიმრაძემ დაუდასტურა.

„გადაცემა, სავარაუდოდ, გაზაფხულის სეზონზე დაბრუნდება ბადეში. ახალი ფორმატისთვის პილოტებზე მუშაობა ახლა მიმდინარეობს და რეორგანიზაციის დასრულებამდე ვერ პასუხობს კითხვებს – როგორი იქნება ახალი გადაცემა? იქნება თუ არა წამყვანი იგივე? იმუშავებს თუ არა გადაცემაზე იგივე ჯგუფი.“ - უთხრა „პუბლიკას გვიმრაძემ.

ცნობისთვის, გადაცემის ერთ-ერთ ჟურნალისტს ქეთი თუთბერიძეს ანტიდასავლურ პროპაგანდაზე მომზადებული სიუჟეტების გამო ძალადობრივი ჯგუფების, „ალტ ინფოს“ წევრები რამდენჯერმე დაემუქრნენ.

2018 წელს 25 დეკემბერს მას პრორუსულ პროპაგანდაზე მომზადებული სიუჟეტის გამო ულტრანაციონალური მოძრაობის წევრი თორნიკე ვაშაკიძე ფიზიკური ანგარიშსწორებით, საზოგადოებრივ მაუწყებელს კი მოლოტოვის კოქტეილების სროლით დაემუქრა. 2021 წლის 26 დეკემბერს თუთბერიძე ალტ-ინფოს წევრებმა აქციაზე ალყაში მოაქციეს და შეურაცხყოფა მიაყენეს. 

ასევე საინტერესოა:

🔵  ლუჰანსკში სეპარატისტების ნასროლი ჭურვი საბავშვო ბაღს დაეცა

🔵 „ოპოზიციას ირაკლი კობახიძის ბევრად უფრო ეშინია, ვიდრე ბიძინასი“- არჩილ გამზარდია

🔵 ეროს რამაზოტი და მიშელ უნციკერი შერიგდებიან?!