ფოტოგამოფენა „იაპონიის საკურა 2022“, რომლის მხარდამჭერია მედიამაუწყებელი exclusivetv.ge 20 სექტემბერს ფოთში გაიხსნება

ფოტოგამოფენა „იაპონიის საკურა 2022“, რომელიც იაპონიასა და საქართველოს შორის დიპლომატიური ურთიერთობების დამყარების 30 წლის იუბილეს ეძღვნება, ფოთში 20 სექტემბერს, გაიხსნება.

საელჩოს ინფორმაციით, გამოფენაზე წარმოდგენილი იქნება იაპონიის საელჩოს პირველი მდივნის ბატონი იმანიში ტაკაოს მიერ გადაღებული საკურას ფოტოები იაპონიაში.

„წელს, მარტის ბოლოდან აპრილის დასაწყისში იაპონიაში საკურას უამრავი, ულამაზესი ყვავილი გაიშალა. ზუსტად ამ დროს ბატონი იმანიში ტაკაო იაპონიაში იმყოფებოდა ხანმოკლე ვადით, და გადაიღო ფოტოები სხვადასხვა ადგილას რათა ქართველებისთვის გაეცნო იაპონიის ეს ულამაზესი პერიოდი“. - წერია საელჩოს მიერ მომზადებულ ინფორმაციაში.

ცნობისთვის, იაპონიის სიმბოლო, საკურა გაზაფხულზე მხოლოდ ორი კვირა ყვავის, აყვავდება და თვალის დახამხამებაში ქრება. ამ ყველაფერში კი ამ სამყაროს წარმავალობას განასახოვანებს. თუმცა გაზაფხულზე, საკურას ყვავილობის ზენიტში, იაპონიის არქიპელაგი თვალწარმტაცია. იაპონელები ტკბებიან საკურას ცქერით. ოჯახის
წევრებთან და მეგობრებთან ერთად ატარებენ დროს აყვავებული საკურას ხეებს ქვეშ და სამახსოვრო ფოტოებს იღებენ.

ფოტოგამოფენა „იაპონიის საკურა 2022“ მედიამხარდამჭერი და სპონსორია  „exclusivetv.ge“, ასევე გამოფენის მხარდამჭერია ფოთის მუნიციპალიტეტის მერია.

ფოტოგამოფენის „იაპონიის საკურა 2022“ გახსნის ცერემონია ფოთის მუნიციპალიტეტის საგამოფენო დარბაზში (კოსტავას ქუჩა #6)  20 სექტემბერს 15:00 საათზე გაიმართება.

2022 წელი ორ ქვეყანას შორის დიპლომატიური ურთიერთობების საიუბილეო თარიღია, რის გამოც საელჩო სხვადასხვა ღონისძიებების ჩატარებას გეგმავს.

ასევე დაგაინტერესებთ:

🔵 კვარაცხელიამ იმ რკინის ფარდის აწევა დაიწყო, რომლის მიღმაც 30 წელია, ბებერი ევროპა არ გვახედებს

🔵 ექსკლუზივი: ყველაზე მსხვილმა იტალიურმა სპორტულმა გამოცემამ Corriere dello Sport-მა, ხვიჩა კვარაცხელიას შესახებ დაწერილ სტატიაში საქართველო “დიდი დედა რუსეთის” ნაწილად მოიხსენია

🔵  ტოკიოში, საქართველოსა და იაპონიას შორის დიპლომატიური ურთიერთობების დამყარების 30 წლის იუბილე აღნიშნეს