გურამ მაჭარაშვილი ევროკომისიასთან დაკავშირებით გერმანული გამოცემის ინფორმაციაზე: არ არსებობს დაფარული, რომ არ გამჟღავნდეს, ასე ხდება „ენჯეოების„ დაფინანსება ჩუმად, სხვადასხვა ქვეყანაში პოლიტიკურ პროცესებში ჩარევასთან დაკავშირებით

„არ არსებობს დაფარული, რომ არ გამჟღავნდეს“. ეს ფაქტი კიდევ ერთხელ მეტყველებს ზუსტად ამ სწორ გამოთქმაზე, - განაცხადა პარტია „ხალხის ძალის“ აღმასრულებელმა მდივანმა, გურამ მაჭარაშვილმა. დეპუტატი გამოეხმაურა გერმანული გამოცემის ინფორმაციას, რომ ევროკომისია კლიმატურ თემატიკაზე მომუშავე არასამთავრობო ორგანიზაციებს საეჭვო ლობირებისათვის გერმანელი გადასახადების გადამხდელის ფულით უხდიდა და სურდა, რომ ეს საიდუმლოდ დარჩენილიყო.

„ევროკომისიის არცერთი საიდუმლოება არ იქნება რა თქმა უნდა ბოლომდე შენარჩუნებული, მით უმეტეს ცუდი საქციელები და ეს არის ზუსტად, როცა ევროკომისია ჩუმად აფინანსებს „ენჯეოებს“ იმისათვის, რომ მაგალითად იაფ ენერგიასთან დაკავშირებით წინააღმდეგობა გაsწიოს. ასე იქნებოდა და ასე ხდება „ენჯეოების“ დაფინანსება ჩუმად, მათ შორის სხვადასხვა ქვეყანაში პოლიტიკურ პროცესებში ჩარევასთან დაკავშირებით. აი იმ უცხოურ ძალაზე რომ გვეუბნებიან სად არისო - ა, ბატონო, თვითონ ისინი ამჟღავნებენ სადაც არიან მოკალათებული“, - აცხადებს მაჭარაშვილი.

ცნობისთვის, გამოეცმა Welt-ი ასევე იუწყება, რომ ზოგიერთი არასამთავრობო ორგანიზაცია ევროკავშირის მიერ მიღებული გრანტებს იყენებდა რადიკალური პროექტებისთვის, რომლებიც არ შეესაბამებოდა ევროკავშირის ღირებულებებს.