„გუშინ თავს ვიკლავდი, ძლივს გადამარჩინეს“ - ევროპაში საქმიანი ვიზიტით მყოფი, ქართველი მსახიობის ამბავი

მსახიობი, ფილმების და სერიალების ქასტინგის რეჟისორი, „EKA CAST“ - ის წარმომადგენელი ნოშრე ფელინი, იგივე  პაატა ქვლივიძე საკუთარ „ფეისბუკ“ გვერდზე ევროპაში, საქმიანი ვიზიტით ყოფნისას, კათოლიკურ ტაძარში თავს გადახდენილ სახალისო ისტორიის შესახებ წერს. 

Exclusivetv.ge-ს მკითხველს, მსახიობის სახალისო ისტორიას უცვლელად ვთავაზობთ.

„გუშინ თავს ვიკლავდი, ძლივს გადამარჩინეს. კათოლიკურ ეკლესიაში ხომ ასეთი წესია, ჩააგდებ ცენტებს და სანთელი ანუ ის ვითომ მამაძაღლობა სანთელი ინთება (ლამპოჭკა) ნათურა.

მე რა სიკვდილი მეტაკა არ ვიცი, რა ლოცვა ამიტყდა. ქეში ცენტები არ მქონდა და ბარათი მივადე. თავი გამოვიდე. „კნოპკაზე“ მივუთითე რაღაც,  100 ევრო წაიღო, მთელო ტაძრის ჭაღები აჩახჩახდა, პადრე გამოვარდა - ვინააა ეს საოცრება ვინ ჩაიდინაო. მამაჩემის სული დავინახე იოანე პავლე მეორეს ეჯდა მხარზე ისე მიჰყავდათ სასუფეველში, ფრთებით მადლობას მწირავდა.

მოვუხმე იქაურ მღვდელმთავრებს, დავიყარე თავზე ნაცარი, ავაწიოკე საპადრეთი, შესაწირები გავახსნევინე და თანხის ნახევარი ძლივს დავიბრუნე უკან. საწყალს ვეჩხუბებოდი, იმ თქვენი რომელიღაც პაპის ქანდაკებასთან დავწვები, ვერ გამიტანთ აქედან, ვიდრე ჩემს ფულს არ დამიბრუნებთ-თქო. ისეთი მამაპაპური გაწევ-გამოწევა ატყდა, ბოლოს ის ჩინელი გვაშველებდა აი ტურისტებს წინ რომ მიუძღვით ხოლმე დროშით. ორი დღეა კათოლიკური მადლი დამაქვს შარავანდედის სახით, დავდივარ და დავკაშკაშებ. 

სიყვარულით თქვენზე და ერზე მლოცველი, დაზარალებული noSre felini (პაატა ქვლივიძე)
მიუნხენი 14.12.2021“

აგრეთვე დაგაინტერესებთ:

📌 ქართველი პროფესორის იტალიური ამბები - „ქალი გადმოვიდა, ქალის უნახავს გაგხდიდათ“

📌 ქეთევან აბიათარი - იტალიაში მცხოვრები მევიოლინე

📌 ქართულ-იტალიური დუეტი “ლალიმბერტი”, მალე “სულიკოს” იტალიურ ვერსიას შემოგვთავაზებს (ვიდეო)