"ის არის არის კაცის კაცი, ყველაფერი რაც უ-ზე იწყება, მიესადაგება სწორედ ამ კაცს და მის პოლიტიკურ პარტიას" - ირაკლი კობახიძე ნიკა მელიაზე

"ყველაფერი რაც უ-ზე იწყება, მიესადაგება სწორედ ამ კაცს და მის პოლიტიკურ პარტიას", - ამის შესახებ პარტია "ქართული ოცნების" თავმჯდომარემ, ირაკლი კობახიძემ ენმ-ს თავმჯდომარე, ნიკა მელიაზე საუბრისას განაცხადა.

"რაც შეეხება ტერმინ უსამშობლოს, პირველ რიგში ამას ვიტყვი, ჩვენ გახსოვთ, რომ თვეების მანძილზე ვიყენებდით ამ ტერმინს და ახლაც ვიყენებთ ამ პოლიტიკური ძალის მიმართ და ესეც აჩვენებს კაცობის დეფიციტს, როცა შენ შენ ტერმინს ვერ მოიფიქრებ და სხვისი ტერმინი გინდა შეატრიალო, ეს არის კაცობის დეფიციტის გამოვლინება.

რაც შეეხება თვითონ ნაცმოძრაობას და კონკრეტულად მის ფორმალურ თავმჯდომარეს, რომელიც არის კაცის კაცი, ის არის არა პარტიის ლიდერი, არამედ ფორმალური თავმჯდომარე, რეალური ლიდერი მანაც ძალიან კარგად იცის, არის მიხეილ სააკაშვილი, რომელსაც თავად ასე ძლიერ ვერ იტანს, ასეთი ადამიანი ვერ იქნება ვერც ღირსების მატარებელი, ვერც სამშობლოს მოყვარული და ვერც ვერაფერი.

ყველაფერი რაც უ-ზე იწყება, მიესადაგება სწორედ ამ კაცს და მის პოლიტიკურ პარტიას", - განაცხადა კობახიძემ.

მანამდე, ენმ-ს თავმჯდომარე ნიკა მელია ირაკლი კობახიძის იმ განცხადებას ეხმაურება, სადაც "ქართული ოცნების" თავმჯდომარე ერთმანეთს ადარებს უკრაინაში რუსეთის აგრესიას და საქართველოდ დროებით ოკუპირებულ რეგიონებს.

ნიკა მელიამ სოციალურ ქსელში დაწერა:

"მხოლოდ რუსეთზე ღიად მომუშავე და უსამშობლო კაცი თუ გაბედავდა ასეთ გაუგონარ შედარებას! 

კობახიძე ისე დააბრმავა მტრის მსახურებამ, რომ იმ უდიდეს განსხვავებასაც ვერ ხედავს, რაცაა რუსეთსა და საქართველოს შორის.

რუსეთი სხვა ქვეყანაში - უკრაინაში შეიჭრა და ისვრის, თავისუფალი ქვეყნის დაპყრობას ცდილობს,  უკრაინა რუსეთი არაა, აფხაზეთი და ცხინვალის რეგიონი კი - საქართველოა და ამ უსამშობლოს ესეც ვერ გაუგია, ან არ უნდა რომ გაიგოს! 

მჯერა, კობახიძის ამ განცხადებამ ისევე გააოგნა ქართული ოცნების მხარდამჭერების
დიდი ნაწილი, როგორც ყველა საღად მოაზროვნე ადამიანი. 

კობახიძე ამ განცხადებით,  „ქართული ოცნების“ ამომრჩეველს კიდევ ერთხელ ახსენებს, რომ მათ „ქართული ოცნება“ კი არა, რუსულ ოცნებას მისცეს ხმა!" - წერს მელია.

ასევე დაგაინტერესებთ:

* "ირაკლი კობახიძემ გაჩუმების სანაცვლოდ "საქართველოს რკინიგზაში", ხელმძღვანელ თანამდებობაზე დასაქმება შესთავაზა" - სოსო გოგაშვილის მეუღლე

* "საქართველო გმობს სახიფათო ესკალაციას ჩვენს ორ მეზობელსა და მეგობარს, სომხეთსა და აზერბაიჯანს შორის" - პრეზიდენტი