ლევან მაჭავარიანი: ევროკავშირთან მეგობრობა იმგვარად თუ უნდა დავამტკიცოთ, რომ რუსეთთან ესკალაციაში შევიდეთ, უკაცრავად, მაგრამ ჩვენ მეგობრობას, ჩვენი ქვეყნის ნგრევას ვერ ვამჯობინებთ

ევროკავშირთან მეგობრობა იმგვარად თუ უნდა დავამტკიცოთ, რომ რუსეთთან ესკალაციაში შევიდეთ, უკაცრავად, მაგრამ ისეთ ნაბიჯს არ გადავდგამთ, რომელიც ეროვნულ ინტერესებს ეწინააღმდეგება, - განაცხადა ფრაქცია „ქართული ოცნების“ თავმჯდომარის მოადგილემ ლევან მაჭავარიანმა.

ლევან მაჭავარიანი მედიასთან გამოეხმაურა პაველ ჰერჩინსკის განცხადებას, რომლის მიხედვითაც, საქართველოს ხელისუფლების ქმედებების შედეგად საქართველოს ევროინტეგრაციის პროცესი შეჩერებულია.

„ჰერჩინსკის განცხადება სიცრუეა, ვინაიდან ჩვენ ყველაფერს ვაკეთებთ ევროპასთან დასაახლოებლად, ასოცირების ხელშეკრულებით ნაკისრი ვალდებულებების შესრულებით დაწყებული, ნებისმიერი ჩვენი ნაბიჯებით გაგრძელებული. საქართველოს მისამართით ზუსტად იმ დღესვე დაიწყო რაღაც ტიპის უსამართლობა კონკრეტულად ევრობიუროკრატების მხრიდან, რა დღესაც უკრაინაში დაიწყო ტრაგედია. ეს ბევრ რაღაცაზე მიანიშნებს. ჩვენ რა არ გავაკეთეთ? აბსოლუტურად ყველაფერი გავაკეთეთ უკრაინის დასახმარებლად. ერთადერთი, რაც არ გავაკეთეთ, არის ის, რომ მეორე ფრონტი არ გავხსენით. ევროკავშირთან მეგობრობა იმგვარად თუ უნდა დავამტკიცოთ, რომ რუსეთთან ესკალაციაში შევიდეთ, უკაცრავად, მაგრამ ჩვენ მეგობრობას, ჩვენი ქვეყნის ნგრევას ვერ ვამჯობინებთ“, - აღნიშნა ლევან მაჭავარიანმა.