ლევან მაჭავარიანი მარტა კოსის განცხადებაზე: შეგვიძლია გავიხსენოთ წაგებული არჩევნების შემდეგ ევრო ბიუროკრატები აქ დელეგაციებს აგზავნიდნენ სხვადასხვა ქვეყნებიდან და პირდაპირ უერთდებოდნენ ანტისამთავრობო აქციებს

საპარლამენტო ფრაქცია „ქართული ოცნების“ თავმჯდომარის მოადგილე ლევან მაჭავარიანი „დღის ქრონიკასთან“ საუბრისას გაფართოების საკითხებში ევროკომისარ მარტა კოსის მიერ გაკეთებულ განცხადებას გამოეხმაურა.

ამასთან, როგორ ლევან მაჭავარიანმა აღნიშნა, რადიკალური ოპოზიცია დამოკიდებულია ისეთ „ფიგურებზე“ როგორიც არის მიხეილ როთი, ჯო უილსონი და ამ შემთხვევაში მარტა კოსს  წარმოაჩენენ ისე, თითქოს გადაწყვეტილების მიმღები იყოს ბრიუსელში.

„რა თქმა უნდა, ვეთანხმები ბატონი პაპუაშვილის პათოსს და ეს პირველი შემთხვევა არ არის. ჩვენ შეგვიძლია გავიხსენოთ, მაგალითად, როდესაც წაგებული არჩევნების შემდეგ, ევრობიუროკრატები აქ დელეგაციებს აგზავნიდნენ სხვადასხვა ქვეყნებიდან და პირდაპირ უერთდებოდნენ ანტისამთავრობო აქციებს და პირდაპირ სცენიდან მოუწოდებდნენ მოდერნიზაციისკენ ჩვენს მოქალაქეებს.

ეს ჩვენი ყურით გვაქვს მოსმენილი, ჩვენი თვალით გვაქვს ნანახი. ამ შემთხვევაში, არამხოლოდ მათი მოწოდებები არის წამახალისებელი, არამედ მათი დუმილიც წამახალისებელი არის ამ ყველაფრის. მაშინ როდესაც, ევრობიუროკარტები ან დიპლომატები საქართველოში, არანაირ რეაგირებას არ ახდენენ ისეთ ქმედებებზე, რომელიც არის ლიბერალური ფაშიზმის კლასიკური გამოვლინება, თავად ევროკავშირის დაფინანსებული თანხებით, რაც ხორციელდება საქართველოში იმ „ენჯოების“ წარმომადგენლების მხრიდან, როდესაც საშინელ კამპანიებს აანონსებენ, საშინელ ქმედებებს სჩადიან.

ახლახან ვნახეთ, ქალბატონი ლაშხის მიმართ რა განახორციელეს, რომელიც არც ადამიანობაში, მორალში და ზნეობაში ჯდება, არ ვიცი ეს ხალხი მართალ საიდან არის მოსული და გაზრდილი, როდესაც არასრულწლოვანი შვილებთან მოუწყვეს ის პერფორმანსი, რაც ყველამ ვიხილეთ. აქაც აბსოლუტური დუმილი იყო. შესაბამისად, ეს ყველაფერი არის ირიბი წახალისება.

კონკრეტულად მარტა კოსის განცხადებასთან დაკავშირებით, მოდი მაშინ განმარტოს ვის მიმართავს ამ განცხადებით და რას გულისხმობს. რა თქმა უნდა, იგი ირიბად მიმართავს რადიკალურად განწყობილ ჩვენს თანამოქალაქეებს იმისათვის, რომ კიდევ უფრო მეტი მხარდაჭერა აღუთქვას და უფრო გააღვივოს მათი ემოციები. რადიკალური ოპოზიცია დამოკიდებული არის ისეთ „ფიგურებზე“ როგორიც არის ბატონი მიხეილ როთი, ჯო უილსონი. ამ შემთხვევაში მარტა კოსს ახლა წარმოაჩენენ ისე, თითქოს გადაწყვეტილების მიმღები იყოს ბრიუსელში. იგი უბრალოდ რაღაცების გამხმოვანებელია და ძალიან არათანმიმდევრულია ეს ქალბატონი. 
სულ რამდენიმე კვირის წინ იყო ინტერვიუ, სადაც მან ერთის მხრივ ისიც განაცხადა, რომ შეიძლება ძალიან მკაცრად მივუდგეთ დღევანდელ ხელისუფლებას საქართველოში, შემდეგ ისიც თქვა, რომ დიალოგი საუკეთესო გზა შეიძლება იყოსო. მისი მხრიდან ეს განცხადება შეგვიძლია ჩავთვალოთ, რომ არის პირდაპირი მოწოდება, რომ მიდით არიეთ სიტუაცია და ჩვენ გვერდში დგომას გიდასტურებთო.

არც დააყოვნა რეაგირებამ, როდესაც ბატონი გედევან ფოფხაძე რამდენიმე საათში პირდაპირ ეთერში გამოვიდა და ისაუბრა იმასთან დაკავშირებით, რომ რადიკალური ქმედებები უნდა ჩავიდინოთ 26 მაისსო და მსხვერპლიც არ იქნება ცუდიო. შემდეგ ვიხილეთ ირაკლი ზარქუაზე თავდასხმა. მათ არ იციან ქართული საზოგადოების ხასიათი და ვერ ხვდებიან იმას, რომ ეს ყველაფერი არის კონტრპროდუქტიული“, - განაცხადა ლევან მაჭავარიანმა.