ლევან მაჭავარიანი ნორმ აიზენის სახელმძღვანელოზე: ეს გაიდლაინი არის ერთგვარი მხილება, როგორ მოქმედებს „რბილი ძალა“ ნებისმიერ ქვეყანაში. ჩვენთვის ეს სიახლეს არ წარმოადგენს, ვინაიდან ასეთი ბევრი გზამკვლევი ვიხილეთ

 ფრაქცია „ქართული ოცნების“ თავმჯდომარის მოადგილე, ლევან მაჭავარიანი „ფერადი რევოლუციების“ ერთ-ერთ მთავარი არქიტექტორის, ნორმ აიზენის 2025 წლის სახელმძღვანელოში საქართველოს რამდენჯერმე ხსენებას გამოეხმაურა.

„ეს გაიდლაინი არის ერთგვარი მხილება, როგორ მოქმედებს. ე.წ. რბილი ძალა ნებისმიერ ქვეყანაში. ჩვენთვის ეს სიახლეს არ წარმოადგენს, ვინაიდან ასეთი ბევრი გზამკვლევი ვიხილეთ: იგივე აკერმანის ტრენინგები, კანვასის ტრენინგები და ა.შ., რომლებიც ზუსტად ერთი და იგივე მიზანს ემსახურება, რომ რაღაცნაირად მდიდარი „ენჯეოების“ ნაწილი გააძლიერონ კონკრეტულ ქვეყანაში, ამ შემთხვევაში საუბარია საქართველოზე, რათა ზეგავლენა მოახდინონ ჩვენი საზოგადოების აზრის ფორმირებაზე პოლიტიკურ ჭრილში. ეს არის გარედან მართული პროცესი. უმნიშვნელოვანესი იყო ის გამჭირვალობის კანონი, რომელიც მივიღეთ“, - აღნიშნა ლევან მაჭავარიანმა.

ყოფილი დიპლომატის, თეთრი სახლის ყოფილი მრჩევლის და მოქმედი იურისტის ნორმაიზენის სახელმძღვანელო, რომელიც დემოკრატიის გზამკვლელად არის მიჩნეული, რეალურად დეტალურ ინსტრუქციას აძლევს უცხოურ ძალებს, თუ როგორ განაგრძონ ადგილობრივი პოლიტიკის ფორმირება, მოქმედი კანონმდებლობის გვერდის ავლით.

ნორმ აიზენის 2025 წლის პუბლიკაციის ძირითად ტექსტში საქართველოც არაერთხელ არის ნახსენები, განსაკუთრებით კი უცხოური გავლენის გამჭვირვალობის შესახებ კანონის მიღების გამო. კერძოდ, საუბარია ასრასამთავრობო ორგანიზაციების ქსელის კიდევ უფრო გაფართოებაზე, მათთვის ადგილობრივი შემოსავლის წყაროების მოძიებაზე, რომ სამართლებრივად ნაკლებ დამოკიდებულები ჩანდნენ უცხოურ ძალაზე.

ნორმ აიზენი ამერიკულ ანალიტიკურ წრეებში ფერადი რევოლუციებისა და ამბოხებების ერთ-ერთ მთავარ არქიტექტორად სახელდება.

აღნიშნულ სახელმძღვანელოზე აშშ-ის სახელმწიფო დეპარტამენტის ყოფილმა თანამშრომელმა, მაიკ ბენცმაც ისაუბრა.