"მე ვარ ძალიან გაბრაზებული, ვაზღვევინოთ და ვაგებინოთ პასუხი" - მიხეილ სააკაშვილის მორიგი გზავნილი საზოგადოებას
ციხეში მყოფი საქართველოს მესამე პრეზიდენტი, მიხეილ სააკაშვილი, თვითმმართველობის არჩევნების მეორე ტურის შედეგებთან დაკავშირებით მორიგ გზავნილს ავრცელებს.
სააკაშვილის მიმართვა ცოტა ხნის წინ მისმა ადვოკატმა და "მთავარი არხის" გენერალურმა დირექტორმა, ნიკა გვარამიამ წაიკითხა.
"მე ვარ ძალიან გაბრაზებული და შეურაცხყოფილი და ყველა თავმოყვარე ქართველი უნდა ვიყოთ გაბრაზებულები და შეურაცხყოფილები.
არჩევნები ცხვირწინ აგვწაპნეს ყველა დიდ ქალაქში.
ეს არჩევნები ჩვენ მოვიგეთ და ბანდიტების ჯგუფმა, რომელმაც მიითვისა საქართველოს ხელისუფლება, ხელიდან გამოგვგლიჯა ეს გამარჯვება, გაგვძარცვა და წაგვართვა ჩვენი უმთავრესი უფლება - ვიყოთ ჩვენი ქვეყნის ბატონ-პატრონნი!
რა უნდა ვქნათ?
მხოლოდ ერთი - ვაზღვევინოთ ის ფასი, რომელსაც ახდევინებენ თავმოყვარე ერები გამყალბებელ ხელისუფალთ, წავართვათ ხელისუფლება და ვაგებინოთ პასუხი კანონის წინაშე!
ასე მოიქცა ჩვენი მეზობელი სომხეთი, იქ ფაშინიანი ოთხი ივანიშვილის კალიბრის ოლიგარქს ებრძოდა, რომელთა უკან იდგა რუსეთი და მასაც გაუყალბეს არჩევნები, მაგრამ სომეხმა ხალხმა მაინც გაიმარჯვა.
ბევრი და კიდევ უფრო მეტი გამოვიდა ქუჩებში, სანამ ბანდიტური ხელისუფლება არ გატყდა, არ წავიდა და არ დანიშნა რიგგარეშე არჩევნები.
ზუსტად იგივე უნდა გაკეთდეს ჩვენთანაც, გამყალბებელი ბანდიტები უნდა წავიდნენ და დაინიშნოს რიგგარეშე ვადამდელი არჩევნები.
იგივე უქნეს უკრაინელებმა იანუკოვიჩს, როცა ის ბოლომდე რუსეთს მიემხრო, არადა, იანუკოვიჩი მრავალგზის უფრო თავზეხელაღებული და მდიდარი იყო, ვიდრე ივანიშვილი.
ბოლოს და ბოლოს, ასეთი რევოლუციების იდეა შვა საქართველომ ჩვენი თაობის დროს და ნუთუ ჩვენ ვერ შევძლებთ იმას, რაშიც ადრე სხვები გვბაძავდნენ და გამოუვიდათ კიდეც.
ჩვენ არ გვაქვს ბევრი დრო!
უნდა ვიმოქმედოთ ბევრგან და ბევრმა!
უნდა მოვისმინოთ ლიდერების აზრიც და საკუთარ ხელშიც უნდა ავიღოთ ინიციატივა ადგილებზე.
რა თქმა უნდა, პარალელურად, უნდა ვასაჩივროთ ყველაფერი, ვინაიდან - ასეთი კატასტროფული დასკვნები არ ყოფილა არც სომხეთში, არც ყირგიზეთში, არც ვარდების რევოლუციის დროს.
მაგრამ, ახლა, ჩვენ გვაქვს სრული ლეგიტიმაცია ქუჩის პროტესტისა და ძალადობისადმი წინააღმდეგობის.
ძალიან შთამბეჭდავი იყო გუშინ ბატონ მამუკა ხაზარაძის ნაბიჯი, მთლიანად ვიზიარებ მის ამ პოზიციას და მთლიანად ვეთანხმები ნიკა მელიას გამოსვლას.
ერთი სული მაქვს როდის შემოგიერთდებით, მაგრამ ამაშიც თქვენი დახმარება მჭირდება.
ვერცერთი ციხის კარები ვერ შეაკავებს ხალხის სამართლიან რისხვას.
ამავე დროს, უნდა გვესმოდეს, რომ პარლამენტმა უკვე დაკარგა სახელისუფლებო პლატფორმის ფუნქცია, იქ ვერანაირი გადაწყვეტილება ვერ და არ იქნება მიღებული.
ბანდიტებთან საუბარი რეფორმებსა და ქვეყნისთვის საკეთილდღეო ცვლილებებზე მხოლოდ დროის გაწელვას ემსახურება, რათა ჩაქრეს საპროტესტო მუხტი და შიგნითაც და გარეთაც ხელი ჩაიქნიონ ჩვენს ქვეყანაზე.
ამიტომ ჩემი რჩევა იქნება ყველა ჩემი თანამებრძოლის, ასევე უბრალოდ ქვეყნის პატრიოტების, წესიერი ხალხის მიმართ პარლამენტში - მიჰბაძონ ბატონ ხაზარაძეს, დატოვონ პარლამენტი და დატოვონ ოცნება საკუთარ თავთან მარტო", - აცხადებს სააკაშვილი.
საქართველოს მესამე პრეზიდენტი მიხეილ სააკაშვილი 1 ოქტომბერს, თბილისში დააკავეს. იგი სამი ინსტანციის სასამართლოს განაჩენით ცნობილია დამნაშავედ ვალერი გელაშვილის ცემის და სანდრო გირგვლიანის სისხლის სამართლის საქმეებზე და სასჯელის ზომად განსაზღვრული აქვს თავისუფლების აღკვეთა 6 წლის ვადით. აღნიშნულ საქმეებზე სასამართლოს მიერ გამოტანილი გადაწყვეტილებები საბოლოოა და არ საჩივრდება. სააკაშვილი დაკავების დღიდან, 32-ე დღეა შიმშილობს. სააკაშვილის ადვოკატები და პირადი ექიმები მისი ჯანმრთელობის მდგომარეობის დამძიმებაზე საუბრობენ და ყოფილი პრეზიდენტის სამოქალაქო კლინიკაში გადაყვანას ითხოვენ.
ამავე თემაზე:
1727010107
სპორტი„გერმანიაში თავს კომფორტულად ვგრძნობ, რაც ჩემს თამაშებზეც აისახება“ - ბუდუ ზივზივაძე
„კარლსრუესთან“ საშინაო მატჩის წინ „მაგდებურგის“ ოფიციალურმა ვებგვერდმა ქართველ თავდამსხმელს, ბუდუ ზივზივაძეს ინტერვიუ ჩამოართვა. – უკვე წელიწად-ნახევარია გერმანიაში ცხოვრობთ. როგორია თქვენი შთაბეჭდი...
1727005978
ჰოროსკოპი,,ამ პერიოდში დაბადებული ადამიანები გამოირჩევიან განსაკუთრებული ნიჭით და ინტელექტუალობით” - რას ჰყვება ასტროლოგი
ასტროლოგი ხათუნა ნოელი სოციალურ ქსელში მორი ვიდეოს ავრცელებს, სადაც 23-29 სექტემბრის ასტროლოგიურ პროგნოზზე საუბრობს. „ამ კვირაში გვექნება ვენერასა და პლუტონს შორის დაძაბული ასპექტი, კონკრეტულად 23 რი...
1727003134
მსოფლიოირანში ნახშირის მაღაროში აფეთქების შედეგად სულ მცირე 51 ადამიანი დაიღუპა, 20 კი დაშავდა
აღმოსავლეთ ირანის ქალაქ ტაბასში მდებარე ნახშირის მაღაროში აფეთქება მოხდა. ინციდენტის შედეგად სულ მცირე 51 ადამიანი დაიღუპა, 20 კი დაშავდა. ინფორმაციას ირანის სახელმწიფო მედია ავრცელებს. პროვინციული კ...
1727001821
საზოგადოებაცნობილი იტალიელი მოტომრბოლელი და ბლოგერი 32 წლის ასაკში დაიღუპა
ცნობილი იტალიელი ბოტომრბოლელი და ბლოგერი ლუკა სალვადორი, 32 წლის ასაკში ტრაგიკულად დაიღუპა. სალვადორი საქსონიაში გამართულ მოტორბოლაში მონაწილეობდა, რა დროსაც ავარიაში მოყვა და მიღებული ტრავმების შედ...
1726998683
საზოგადოება,,რძე, კვერცხი, თევზი და ზღვის პროდუქტები, ასევე ხორბალი ერთ-ერთი მნიშვნელოვანია მოზრდილებში” - რას ამბობს ბიძინა კულუმბეგოვი
ალერგოლოგ იმუნოლოგი ბიძინა კულუმბეგოვი გადაცემაში „დილა მშვიდობისა საქართველო“ სტუმრად იმყოფებოდა, სადაც კვებით ალერგიაზე ისაუბრა და საზოგადოებას კონკრეტული რჩევები გაუზიარა. „გვაქვს რამდენიმე პროდუ...