მე, ვინც, გადამწყვეტი როლი ვითამაშე ამ ფორმულირების მიღებაში, დღეს დილეგში პრაქტიკულად სიკვდილმისჯილი ვიმყოფები - მიხეილ სააკაშვილი

საქართველოს მესამე პრეზიდენტი მიხეილ სააკაშვილი 2008 წლის ბუქარესტის სამიტზე მიღებულ გადაწყვეტილებასთან დაკავშირებით რუსეთის საგარეო საქმეთა სამინისტროს განცხადებას ეხმაურება.

როგორც ექსპრეზიდენტი სოციალურ ქსელში წერს, მაპი არაა გარანტია ნატო-ს წევრობის და არის ფორმულირება.

„მახსოვს, 2008 წელს, ბუქარესტის ნატო-ს სამიტზე, ბრიტანეთის პრემიერმა, გორდონმა თქვა: უკრაინამ და საქართველომ მიიღეს უფრო მეტი, ვიდრე მაპი. საქართველო და უკრაინა გახდებიან ნატო-ს წევრები – ეს არის ის ჩანაწერი, რაც ჯორჯ ბუშმა, კაჩინსკიმ და მე, მთელი ღამე მოლაპარაკებების შედეგად გამოვგლიჯეთ მერკელს, რომელმაც დიდი კამათის მერე მოიფიქრა ფორმულირება.

​გახსოვთ, როგორ დაგვცინოდნენ პრორუსები მაპზე უკეთესი მივიღეთო, ახლა დღეს ხომ დადასტურდა, რომ ეს რუსეთისთვის ძალიან საშიში ფორმულირებაა.

მაპი არაა გარანტია წევრობის და არის ფორმულირება. მე, ვინც, გადამწყვეტი როლი ვითამაშე ამ ფორმულირების მიღებაში, დღეს დილეგში პრაქტიკულად სიკვდილმისჯილი ვიმყოფები ამის გამო”, – წერს სააკაშვილი.

ცნობისთვის, რუსეთის მთავრობამ ნატო-ს მოთხოვნა წაუყენა, რომლის თანახმადაც, ალიანსმა უნდა გააუქმოს 2008 წლის ბუქარესტის სამიტის გადაწყვეტილება საქართველოსა და უკრაინის ჩრდილოატლანტიკურ ალიანსში გაწევრიანებასთან დაკავშირებით.

ასევე დაგაინტერესებთ:

🔵აშშ-ში ტორნადოს შედეგად გარდაცვლილთა რიცხვმა 100-ს გადააჭარბა

🔵"ომიკრონი" საქართველოში, სავარაუდოდ დეკემბერში შემოვა - ივანე ჩხაიძე

🔵საქართველოში ბოლო 24 საათში კორონავირუსით 36 პაციენტი გარდაიცვალა