მე ვიყავი პირველი, ვინც საუბრობდა ბუსტერების აუცილებლობაზე! - გიორგი ფხაკაძე
„აკრედიტაცია საზღვრების გარეშე” პრეზიდენტი, პროფესორი გიორგი ფხაკაძე სოციალურ ქსელში, ვაქცინის მესამე დოზით აცრის პროცესსა და ამ საქმეში, მის დამსახურებაზე საუბრობს. პროფესორი, ვრცელ ფეისბუკ სტატუსში, იმ მიღწევებზე ამახვილებს ყურადღებას, რომელიც მისი განცხადებით, პანდემიის შეჩერებისთვის აუცილებელია.
„დიახ, ბუსტერი უკვე დაშვებულია საქართველოში. მე ვიყავი პირველი, ვინც საუბრობდა ბუსტერების აუცილებლობაზე. მთავარია შედეგი!
მე ვიყავი პირველი, ვინც საუბრობდა, რომ ჩინური ვაქცინების ბუსტერი უნდა გაკეთდეს 3 თვეში. მთავარია შედეგი!
მე ვამბობდი, რომ ჩვენ უნდა ვცეთ პატივი იმ მოქალაქეებს, ვინც თავის დროზე აიცრა დაბალეფექტურ ვაქცინებით და ზუსტად მათ უნდა ჰქონდეთ საშუალება, აიცრან ბუსტერით, რაც შეიძლება, მალე. თავის დროზე ისინი პასუხისმგებლიანად მოიქცნენ, ასევე მოიქცევიან ახლაც და ესეც ფაქტია – დღეს საავადმყოფოებში არის რიგები ბუსტერის ვაქცინაზე. მთავარია შედეგი!
მე ვარ ერთი ადამიანი, და ერთი ადამიანის აზრი გაიზიარა ბევრმა ადამიანმა… რას მივაღწიეთ ერთობით:სამედიცინო პირბადე საქართველოში არის მაღალი ხარისხის და დაბალ ფასში – “ფხაკაძის პირბადეს” ეძახიან საქართველოში!
ქვეყანამ შემოიტანა “ფაიზერის” ვაქცინა (მადლობა ჩვენს მეგობრებს, ამერიკის შეერთებული შტატების საელჩოს, პოლონეთის საელჩოს და ევროკავშირის საელჩოს საქართველოში). “ფაიზერის” ვაქცინას ქვეყანაში “ფხაკაძის ვაქცინა”-ს ეძახიან!
ასტრაზენეკას შეჩერება ქვეყანაში – ვიყავი დიდი წინააღმდეგი და ბევრი ექსპერტი მაშინ ჩემს შეურაცხყოფაზეც გადავიდა, მაგრამ მთავარია ის, რომ დღეს ასტრაზენეკას ვაქცინა აღარ გამოიყენება საქართველოში და იმედი მაქვს სინოკი/სინოფარმიც მას მიჰყვება… ყველამ იცის, რომ ფხაკაძე წინააღმდეგია დაბალეფექტური ვაქცინების და ნაწილობრივი შედეგიც გვაქვს!
ბუსტერის დიდი წინააღმდეგობების მიუხედავად მე მუდმუვად ყველა დონეზე ვავრცელებდი მტკიცებულებებს, მაგალითებს, მეცნიერულ და სტატისტიკურ მასალებს და ჩვენ მივაღწიეთ იმას, რომ დღეს საქართველოში არის შესაძლებლობა “ფხაკაძის ბუსტერის” გაკეთების – ფაიზერი/ასტრაზენეკა 5 თვეში და სინოფარმი/სინოვაკი 3 თვეში!
ქვეყნის დროებითი სატრანსპორტო შეზღუდვები პირდაპირ “ფახაკაძის” ინსტრუქციის და რეკომენდაციით ხორციელდება!
ყველა პროგნოზი მე-2, მე-3, მე-4 და მე-5 ტალღებზე ზუსტად არის ფხაკაძის “წინასწარმეტყველებით” და მე ვარ პირველი, ვინც აცხადებს თუ როდის რა ტალღა იწყება და ჩემი დაანონსებიდან დაახლოებით 3-10 დღეში მოდის “ოფიციალური” დადასტურება ოფიციალური პირების მხრიდან!
ყველა ახალი შტამის შემოსვლას საქართველოში აანონსებს ფხაკაძე და 5-14 დღის შემდეგ კი გვაქვს “ოფიციალური” დადასტურება!
კოვიდის სახელმწიფო გეგმა (სადღეგრძელოების გეგმა) თავიდანვე მარტო მე გავაკრიტიკე და ვთქვი, რომ ის ვერ შესრულდება. გავიდა ერთი წელი და ფხაკაძის წინასწარმეტყველება ასრულდა… სად არის ოფიციოზის მიერ დაპირებული მოსახლეობის 69%-ის აცრა?! მე მაშინ ვთქვი, რომ წლის ბოლომდე მოსახლეობის მხოლოდ 20%-ის აცრას თუ მოვახერხებთ, ასე თუ გავაგრძელდბთ-მეთქი. ფხაკაძე აქაც მართალი აღმოჩნდა!
ეს არის ის მცირე ჩამონათვალი, რაც შეძლო ერთმა ადამიანმა.
ჩემთვის თითოეული ადამიანის სიცოცხლე და თითოეული ადამიანის ჯანმრთელობის დაცვა არის უმთავრესი და მე არ მაინტერესებს არც თანამდებობა, არც პოლიტიკოსობა.
მე ვარ ქართველი და მიყვარს ჩემი ქვეყანა. მეტი არაფერი. მე ყოველგვარი ოფიციალური რეგალიების გარეშეც გავაკეთებ ყველაფერს ჩემი კომპეტენციის ფარგლებში, რაც მე შემიძლია და რაც ადამიანების სიცოცხლეს და ჯანმრთელობას დაიცავს. ჯანმრთელობას გისურვებთ!”, – წერს , გიორგი ფხაკაძე.
🔵ირაკლი ოქრუაშვილი კალაძეს: ეგრეა, ეგრე ქლიბო! გულით "მომწონს" ჭავჭავაძის გამზირი
🔵იტალიის კიდევ ერთი რეგიონი, შესაძლოა ყვითელ ზონაში გადავიდეს
🔵ვიკა ბუკია: დღეს მთელი დღეა ვფიქრობ, ფაიზერის ბუსტერი გავიკეთო თუ იუვიდერმის ფილერი?
1726905220
საზოგადოება„მინდა მივუსამძიმრო კესარიას დედას და ბოდიში მოვუხადო“ - ბექა ჯაიანის დედის პირველი კომენტარი
18 სექტემბერს ცნობილი გახდა, რომ თბილისში, დიდ დიღომში, ავთანდილის ქუჩაზე, საკუთარ ბინაში მოკლული იპოვეს მოდელი კესარია აბრამიძე. არსებული ინფორმაციით, მას სასიკვდილო ჭრილობა ყელის არეში ცივი იარაღით...
1726903459
საზოგადოებაცესკოს თავმჯდომარემ 26 ოქტომბრის არჩევნებისთვის მზადების პროცესზე ამერიკული არასამთავრობო ორგანიზაციის წარმომადგენელთან გამართულ შეხვედრაზე ისაუბრა
ცენტრალური საარჩევნო კომისიის (ცესკო) თავმჯდომარე გიორგი კალანდარიშვილი ამერიკული არასამთავრობო ორგანიზაციის „საარჩევნო ტექნოლოგიები ღიაობისთვის“ (OSET) დირექტორთა ბორდის წევრს კამერონქვინს შეხვდა, რო...
1726902225
საზოგადოება„დამუნჯებული ვარ, უსამართლობისგან სიტყვებსაც ვერ წარმოვთქვამ...“ – რას ჰყვება კესარია აბრამიძის პერსონალური ქოუჩი
18 სექტემბერს ცნობილი გახდა, რომ თბილისში, დიდ დიღომში, ავთანდილის ქუჩაზე, საკუთარ ბინაში მოკლული იპოვეს მოდელი კესარია აბრამიძე. არსებული ინფორმაციით, მას სასიკვდილო ჭრილობა ყელის არეში ცივი იარაღით...
1726898982
მსოფლიოპაკისტანში კაცმა თავის ქალიშვილს თავზე ვიდეოდაკვირვების კამერა დაადგა
პაკისტანში კაცმა, უსაფრთხოების ზომის სახით თავის ქალიშვილს თავზე ვიდეოდაკვირვების კამერა დაადგა. The Times of India წერს, რომ ამის ამსახველი ვიდეო ერთ-ერთ სოციალურ ქსელში ბლოგერმა Dr Gill-მა გამოაქვეყ...
1726863659
ჰოროსკოპი21 სექტემბრის ასტროლოგიური პროგნოზი
რას გვირჩევენ ვარსკვლავები 21 სექტემბრისთვის ჯანმრთელობის, ბიზნესის და სიყვარულის მიმართულებით? ვერძი საქმეების სიმრავლემ და სირთულემ შეიძლება განწყობა გაგიფუჭოთ, მაგრამ სირთულეების მიუხედავად, შეეცა...