"მესამე წელია, რაც ცოლ-ქმარი აღარ ვართ" - გია ბაღაშვილის ცოლის პირველი კომენტარი წყვილის საიდუმლოდ დაშორებაზე

ცნობილი მუსიკოსის გია ბაღაშვილის ყოფილი ცოლი, მსახიობი თაკო ტაბატაძე „ინსტაგრამის“ პირად გვერდზე განცხადებას ავრცელებს, სადაც ქართულ მედიაში გავრცელებულ ინფორმაციას ეხმაურება, რომლის თანახმადაც იგი მეუღლეს გაშორდა.

"მინდა ვუპასუხო უამრავ შეკითხვას,რომელიც სოციალურ ქსელებში დამხვდა.

მე და გია უკვე მესამე წელია რაც გაშორებულები ვართ და ცოლ-ქმარი აღარ ვართ.

სამწუხაროდ, წლების განმავლობაში სამომავლო გეგმებთან დაკავშირებით განსხვავებული ხედვები ჩამოგვიყალიბდა და ამიტომაც გადავწყვიტეთ ცალკე გაგვეგრძელებინა ცხოვრება.

თუმცა ერთმანეთთან გვაქვს კარგი ურთიერთობა.

ჩვენ გვყავს 4 საოცარი გოგონა, რომელთაც ერთობლივი ძალისხმევით ვზრდით და ყველანაირად გვერდში ვუდგავართ ერთმანეთს.

პატარები ჩემთან არიან თუმცა, გია მაქსიმალურ დროს ატარებს მათთან და მეც ყველანაირად ვუწყობ ხელს ამაში.

ჩვენი გაშორების ფაქტის საჯარო გამომზეურებაზე სწორედ იმ მიზეზით ვთქვით უარი, რომ ბავშვებისთვის ზედმეტი სტრესი აგვერიდებინა.

ბედნიერი ვარ, რომ მყავს ოთხი საოცარი გოგონა და მაქვს საყვარელი საქმე🎭🎥, რომელსაც იმედი მაქვს მალე დავუბრუნდები", - წერს ინსტაგრამში თაკო ტაბატაძე.

მუსიკოსმა გია ბაღაშვილმა 19 წლით უმცროს თაკო ტაბატაძეზე 13 წლის წინ იქორწინა.

მედიაში რამდენიმე დღის წინ გავრცელდა ინფორმაცია იმის შესახებაც, რომ თაკოს ახალი რჩეული ჰყავს და ის ცნობილი ფეხბურთელი ნუგო სპანდერაშვილია. წყვილი ურთიერთობას აღარ მალავს და ერთობლივ ფოტოებსა თუ ვიდეოებს აქვეყნებს სოციალურ ქსელებში.

წყვილის დაშორებას, არაერთი ცნობილი სახე გამოეხმაურა.

ამავე თემაზე:

⬛ "სანამ ინსულტი არ მხევს ამ არნახული ტრაგედიის ნიადაგზე მანამდე უნდა პოსტოთ და პოსტოთ?" - რას წერს ირინა სარიშვილი გია ბაღაშვილსა და მის ცოლზე