ნიკოლოზ სამხარაძე შანხაის სამიტზე: სამიტს გარდა წევრებისა, ჰყავს ასევე პარტნიორი და დამკვირვებელი ქვეყნები. საქართველო არც წევრია, არც პარტნიორია და არც დამკვირვებელი. ლოგიკური იყო, რომ საქართველო ამ ღონისძიებაზე არ იყო დაპატიჟებული

 სამიტი, რომელიც გაიმართა, მას გარდა წევრებისა, ჰყავს ასევე პარტნიორი ქვეყნები და ასევე დამკვირვებელი ქვეყნები. საქართველო არც წევრია, არც პარტნიორია, არც დამკვირვებელი და არც წევრობას ესწრაფვის. შესაბამისად, ლოგიკური იყო ის, რომ საქართველო ამ ღონისძიებაზე არ იყო დაპატიჟებული, - განაცხადა პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ ოპოზიციის სპეკულაციაზე, რომ სტრატეგიული პარტნიორობის მიუხედავად, ჩინეთმა საქართველოს ხელისუფლება შანხაის სამიტზე არ მიიწვია.

სამხარაძემ ასევე ისაუბრა 10 სექტემბერს ჰელსინკის კომისიაზე საქართველოს საკითხზე დაგეგმილ მოსმენაზეც, სადაც თინა ხიდაშელი და სალომე ზურაბიშვილი მოწმეებად არიან მიწვეული.

„ყველა ხვდება, რომ ეს ადამიანები რეალურად ქვეყნის წარმატებისთვის კი არ იბრძვიან, არამედ იბრძვიან საკუთარი თავის დამკვიდრებისთვის ოპოზიციაში. საკუთარი ადგილის დამკვიდრება, როდესაც შენ ხელს გიწყობენ ისეთი ოდიოზური ფიგურები ქართული საზოგადოების, როგორიც არის ჯო უილსონი, რომელიც აწყობს ამ ყბადაღებულ ღონისძიებას, რა თქმა უნდა აქ ვერანაირ ქულას ქართულ საზოგადოებაში ვერ ჩაიწერ.

ისინი სასოწარკვეთილნი არიან იქიდან გამომდინარე, რომ ვერ ახერხებენ საკუთარ მოსახლეობაში მცირედი მხარდაჭერის მოპოვებასაც კი და ამიტომ მათ არ აქვთ მუდმივი პოზიცია ამა თუ იმ საკითხთან დაკავშირებით და ყოველდღე ამ პოზიციას იცვლიან. ამით თითქოს ცდილობენ, რომ „ქართულ ოცნებას“ ზიანი მიაყენონ და ვერ ხვდებიან, რომ ამით საკუთარ მოსახლეობას აყენებენ შეურაცხყოფას“, - აღნიშნა ნიკოლოზ სამხარაძემ.