"ნუ ანდობთ თქვენი შვილების ბედს მათ, ვისაც ასე არაფრად უღირს ადამიანის სიცოცხლე" - ნანა გეგეჭკორი

აშშ-ში მოღვაწე ქართველი ექიმი ნანა გეგეჭკორი, საქართველოს მესამე პრეზიდენტის ირგვლივ განვითარებულ მოვლენებს სოციალურ ქსელ ფეისბუკში ეხმაურება.

"იმედია, პრემიერის საჯარო განცხადება თვითმკვლელობის კანონიერებაზე დაგეხმარებათ გააცნობიეროთ რამდენად არაჰუმანურ ძალასთან გაქვთ საქმე.

ცხადია, არ მაქვს ილუზია, რომ ტელევიზიას, საიდანაც ეს ინტერვიუ გავრცელდა, ესმის რაოდენ სერიოზული ზიანის მოტანა შეუძლია მსგავს განცხადებებს სუიციდზე, იმ ადამიანებისთვის ვისაც ჯანმრთელობის მსგავსი პრობლემა აქვს.

ნუ ანდობთ თქვენი შვილების ბედს მათ, ვისაც ასე არაფრად უღირს ადამიანის სიცოცხლე...

 P.S. გთხოვთ, ნუ დამიწყებთ შეგონებებს რომ ექიმი ვარ და ჩემი საქმე ადამიანების მკურნალობაა. დიახ, ადამიანის სიცოცხლეა ჩემი უმთავრესი საზრუნავიც და ღმერთიც და ამიტომაც ვღელავ",  - წერს ნანა გეგეჭკორი.

საქართველოს მესამე პრეზიდენტი მიხეილ სააკაშვილი 1 ოქტომბერს, თბილისში დააკავეს. იგი სამი ინსტანციის სასამართლოს განაჩენით ცნობილია დამნაშავედ ვალერი გელაშვილის ცემის და სანდრო გირგვლიანის სისხლის სამართლის საქმეებზე და სასჯელის ზომად განსაზღვრული აქვს თავისუფლების აღკვეთა 6 წლის ვადით. აღნიშნულ საქმეებზე სასამართლოს მიერ გამოტანილი გადაწყვეტილებები საბოლოოა და არ საჩივრდება. სააკაშვილი დაკავების დღიდან, 29-ე დღეა შიმშილობს. სააკაშვილის ადვოკატები და პირადი ექიმები მისი ჯანმრთელობის მდგომარეობის დამძიმებაზე საუბრობენ და ყოფილი პრეზიდენტის სამოქალაქო კლინიკაში გადაყვანას ითხოვენ.

ასევე დაგაინტერესებთ:

📌"Meta-ს ქვეშ ერთიანდება ყველა ქსელი, რომელსაც კომპანია ფლობს, თუმცა პლატფორმა - Facebook-ი, Instagram-ი და WhatsApp-ი, საკუთარ სახელწოდებებს შეინარჩუნებენ" - მარკ ცუკერბერგი

📌საქართველოს მოსახლეობა აკეთებს ყველაფერს, რომ პანდემია კიდევ უფრო გაძლიერდეს - თენგიზ ცერცვაძე