"ქუთაისში ფეხმძიმე გოგონა, ორსულობის გამო სამსახურიდან გამოუშვეს, ვეღარ იხდის ქირას და ბინის პატრონი სთხოვს ან თანხა გადაუხადოს, ან ბინა დუცალოს" - მამა პეტრე საზოგადოებას მიმართავს

სასულიერო პირი, მამა პეტრე კვარაცხელია სოციალურ ქსელში წერს:

"დღემშვიდობისა ყველას  

მეგობრებო, ქუთაისში ვიპოვე ფეხმძიმე გოგონა, რომელიც ცხოვრობს ქირით, ორსულობის გამო სამსახურიდან გამოუშვეს, ვეღარ იხდის ქირას და ბინის პატრონი სთხოვს უახლოეს მომავალში ან თანხა გადაუხადოს ან ბინა დუცალოს.

გოგონას წასასვლელი არსად არ აქვს.

საბრალო ჯგუფში მწერდა "ყველაფერს გავუძლებ და გადავიტან, მთავარია ღია ცის ქვეშ არ დავრჩეო"... უზომოდ რცხვენია მისი მდგომარეობის და ძალიან განიცდის მის ამ მდგომარეობას.

მეგობრებო, რაც შემეძლო ჩემი ძალებით ყველაფერი გავუკეთე! 

ახლა ყველაზე მთავარი ისაა, რომ დაგროვებული 2 თვის ქირა პატრონს გადაუხადოს, რომ პატრონმა ბინა არ დააცლევინოს და ამაში ყველა თქვენგანის დახმარება მჭირდება.

გთხოვთ უდიდესი მორიდებით და პატივისვემით; მიიტანეთ გოგონას და მუცლად მყოფი პაწაწინას გასაჭირი გულთან.

რისი შესაძლებლობაც გაქვთ და რაც გაგემეტებათ, თუნდაც 1 ლარი ძალიან მნიშვნელოვანია ორი ადამიანისთვის...

გთხოვთ მეგობრებო, დამეხმარეთ ორი სიცოცხლის გადარჩენაში 

კომენტარებში ვდებ ანგარიშის ნომერს

ვისაც სურვილი გაქვთ შემომეშველეთ ამ ამბავში  
მადლობა დიდი  
უდიდესი ბოდიში, რომ ამ თხოვნით შეგაწუხეთ.
ამაზე დიდ სიკეთეს ვერ გააკეთებთ  
პ.ს მეგობრებო, გთხოვთ, არ არის საჭირო შეურაცხყოფა და ლანძღვა.

ვისაც შეგიძლიათ დახმარება და სურვილი გაქვთ დაეხმარეთ

თუ არა და უბრალოდ ასქროლეთ... ყველას მისი გასაჭირი და ტკივილი ჰყოფნის.
მადლობა დიდი ყურადღებისთვის და კიდევ ერთხელ ბოდიში  ", - წერს სასულიერო პირი.