როგორ ამოვიცნოთ ,,ომიკრონი"

იცვლება ვირუსი და განსხვავებული სიმპტომებიც სახეზეა. უკვე შევისწავლეთ Covid 19-ის ამოცნობა მისი სიმპტომების მიხედვით, როგორიცაა; მადის დაკარგვა, სუნთქვის უკმარისობა და ა.შ. რაც შეეხება კოვიდის ახალ ვარიანტს ,,Omicron" ყველა სხვა წინამორბედებისგან განსხვავებული სიმპტომებით ხასიათდება.

,,ომიკრონის" ახალი შტამი "დელტა" ვარიანტთან შედარებით 70%-ით მეტად მრავლდება ზედა სასუნთქ გზებში და ვირუსის გავრცელების რისკი უფრო მეტია. ,,ომიკრონის" მიმდინარეობა მსუბუქია, გაციებას გავს-ხასიათდება ყელის ტკივილით, ხველებით, სახსრების და კუნთების მსუბუქი ტკივილებით, დაბალი ტემპერატურით. 3-4 დღე გრძელდება სიმპტომები. ინკუბაციური პერიოდი 3-5 დღეა. კონტაქტის შემდეგ ადამიანი ავად მალე ხდება.

გაერთიანებული სამეფოსა და სამხრეთ აფრიკის მონაცემები დაავადების მიმდინარეობასა და ჰოსპიტალიზაციაზე მიუთითებს, რომ „ომიკრონი“ „დელტაზე“ 3-6-ჯერ მეტ ადამიანს აინფიცირებს, თუმცა დაავადების მიმდინარეობა, შესაძლოა, უფრო მსუბუქი იყოს. სამხრეთ აფრიკაში მთლიანი მოსახლეობის რაოდენობიდან, ჯამში, 29%-ით შემცირებულია ჰოსპიტალიზაცია წინა შტამებთან შედარებით ადამიანებს თუ გაციების, სურდოს სიმპტომები აქვთ სეზონურ გაციებას აბრალებენ. სინამდვილეში კი ვირუსის გავრცელება ამ დროს ხდება.

ბრიტანელი ეპიდემიოლოგი, სამეფო კოლეჯიდან ტიმ სპექტორი ამბობს, რომ როცა აცემინებთ ან სურდო გაქვთ არ არის ეს ჩვეულებრივი გაციება და უყურადღებოდ არ უნდა დავტოვოთ. ინგლისში ჩატარებული კვლევების მიხედვით 41% დელტა შტამით ინფიცირებულების ვერ გრძნობდა სუნს, ომიკრონის შემთხვევაში კი 12-13%. ჰონკონგის უნივერსიტეტის მიერ ჩატარებული კვლევებით ,,ომიკრონი" ძირითადად ცხვირს და ყელს ერჩის და არა ფილტვებს. ჯანდაცვის მსოფლიო ორგანიზაციის ინფორმაციით, PCR ტესტები ამოიცნობენ კორონავირუსის „ომიკრონ“ ვარიანტს. კვლევები მიმდინარეობს იმის დასადგენად სხვა ტესტებიც დაადგენენ თუ არა სიზუსტეს „ომიკრონის“ გამოსავლენად.

ნონა გედენიძე სპეციალურად ExclusiveTV.ge-სთვის ემილია-რომანიადან

აგრეთვე დაგაინტერესებთ:

📌 ტოსკანას ემიგრანტთა საყურადღებოდ - მატარებლები შეფერხებით იმოძრავებენ

📌 ფლორენციის საკათედრო ტაძრის კომპლექსი დაიკეტა - პერსონალი კარანტინში იმყოფება

📌 იტალიაში იზოლაციის წესები იცვლება?!

📌 როდიდან ხდება კოვიდ ვაქცინის მესამე დოზა იტალიაში სავალდებულო?!