"სააკაშვილი გადასაყვანია დროულად, ნაცებმა გარანტია უნდა მისცენ ერს და ბერს, რომ პროვოკაციას არ მოაწყობენ" - ნინა კობახიძე

"სააკაშვილი გადასაყვანია მულტიპროფილურ კლინიკაში დროულად, ზედმეტი გართულებების და ისტერიების გარეშე",- ამის შესახებ საქართველოს მთავრობის ადმინისტრაციის უფროსის ყოფილი მოადგილე ნინა კობახიძე სოციალურ ქსელში წერს.  

"ნაცებმა გარანტია უნდა მისცენ ერს და ბერს რომ პროვოკაციას არ მოაწყობენ. 

ხელისუფლება მზად უნდა იყოს ყველანაირი სცენარისთვის.

უკან რომ დააბრუნებენ და ისევ იშიმშილებს, ათასჯერ უნდა გადაიყვანონ და გადმოიყვანონ! 

ამ ამბების  მძევალი არ უნდა იყოს მთელი ქვეყანა და ხალხი.

ამ ადამიანმა პასუხი უნდა აგოს სამართლიანი სასამართლოს წინაშე - ჯანმრთელმა, გონებით და სრული პასუხისმგებლობით! 

დანარჩენი ყველაფერი დროის გაწელვა და ქვეყნის დაზიანებააა",- წერს ნინა კობახიძე.

დღეს საღამოს საქართველოს ყოფილი პრეზიდენტის მიხეილ სააკაშვილის ადვოკატმა ბექა ბასილაიამ განაცხადა, რომ, ადვოკატებთან შეხვედრის შემდეგ სააკაშვილი წაიქცა, რომელიც მისი თქმით საკაცეზე დააწვინეს და წაიყვანეს.

აღნიშნული განცხადებიდან მალევე პენიტენციურმა სამსახურმა გაავრცელა განცხადება, რომელშიც აღნიშნული იყო, რომ პატიმარ მიხეილ სააკაშვილის ჯანმრთელობის მდგომარეობა ამჟამად სტაბილურია.

ცნობისთვის, სახალხო დამცველის ექიმთა ჯგუფმა გუშინ დასკვნა გამოქვეყნდა, სადაც აღნიშნულია, რომ სააკაშვილივით კრიტიკული პაციენტის მართვის პირობებს მე-18 დაწესებულების კლინიკა არ აკმაყოფილებს.

უახლესი ცნობით, რესპუბლიკური კლინიკის ექიმი-რეანიმატოლოგი გულიკო ქილიფთარი აცხადებს, რომ ექსპრეზიდენტის მდგომარეობა უკვე დამაკმაყოფილებელია. მისი თქმით, სააკაშვილი დარჩება რეანიმაციულ განყოფილებაში, სადაც მუდმივი დაკვირვების ქვეშ იქნება.

ამავე თემაზე:

"წაიყვანეთ იგი დაწყევლილ სამოქალაქო საავადმყოფოში, თუ გეშინიათ შემოღობეთ" - აშშ-ს ყოფილი ელჩი იან კელი მიხეილ სააკაშვილის კლინიკაში გადაყვანაზე