"წაიყვანეთ იგი დაწყევლილ სამოქალაქო საავადმყოფოში, თუ გეშინიათ შემოღობეთ" - აშშ-ს ყოფილი ელჩი იან კელი მიხეილ სააკაშვილის კლინიკაში გადაყვანაზე

"ბოლოს და ბოლოს წაიყვანეთ იგი დაწყევლილ სამოქალაქო საავადმყოფოში", - ამის შესახებ აშშ-ს ყოფილი ელჩი საქართველოში იან კელი "ტვიტერში" წერს და მიხეილ სააკაშვილის ცუდად გახდომას ეხმაურება.

"ბოლოს და ბოლოს უბრალოდ წაიყვანეთ იგი დაწყევლილ სამოქალაქო საავადმყოფოში.

#სააკაშვილმა თქვა, რომ სამოქალაქო საავადმყოფოში გადაყვანის შემთხვევაში შიმშილობას შეწყვეტს.

პერიმეტრი შემოღობეთ, თუ არეულობის გეშინიათ. უბრალოდ გააკეთეთ საპასუხისმგებლო საქმე ", - წერს  იან კელი "ტვიტერში".

დღეს საღამოს საქართველოს ყოფილი პრეზიდენტის მიხეილ სააკაშვილის ადვოკატმა ბექა ბასილაიამ განაცხადა, რომ, ადვოკატებთან შეხვედრის შემდეგ სააკაშვილი წაიქცა, რომელიც მისი თქმით საკაცეზე დააწვინეს და წაიყვანეს.

აღნიშნული განცხადებიდან მალევე პენიტენციურმა სამსახურმა გაავრცელა განცხადება, რომელშიც აღნიშნული იყო, რომ პატიმარ მიხეილ სააკაშვილის ჯანმრთელობის მდგომარეობა ამჟამად სტაბილურია.

ცნობისთვის, სახალხო დამცველის ექიმთა ჯგუფმა გუშინ დასკვნა გამოქვეყნდა, სადაც აღნიშნულია, რომ სააკაშვილივით კრიტიკული პაციენტის მართვის პირობებს მე-18 დაწესებულების კლინიკა არ აკმაყოფილებს.

უახლესი ცნობით, რესპუბლიკური კლინიკის ექიმი-რეანიმატოლოგი გულიკო ქილიფთარი აცხადებს, რომ ექსპრეზიდენტის მდგომარეობა უკვე დამაკმაყოფილებელია. მისი თქმით, სააკაშვილი დარჩება რეანიმაციულ განყოფილებაში, სადაც მუდმივი დაკვირვების ქვეშ იქნება.

ასევე დაგაინტერესებთ:

🔲 "მიშ, გაუძელი! არ დაიხიო, არ დანებდე!" - გივი თარგამაძე