"სააკაშვილის ჯანმრთელობის მდგომარეობას განიხილავენ პოლიტიკოსები და ადვოკატები, ხოლო ექიმებს საერთოდ არ ეძლევათ თავის აზრის გამოხატვის საშუალება" - დავით სერგეენკო

"სააკაშვილის ჯანმრთელობის მდგომარეობას განიხილავენ პოლიტიკოსები და ადვოკატები, ხოლო ექიმებს საერთოდ არ ეძლევათ თავის აზრის გამოხატვის საშუალება", - ამის შესახებ „ქართული ოცნების“ დეპუტატმა და ჯანდაცვის ყოფილმა მინისტრმა დავით სერგეენკომ განაცხადა.

როგორც სერგეენკომ აღნიშნა, ექიმებს უნდა მიეცეთ თავისი სიტყვის ზეწოლის გარეშე თქმის უფლება.

ამასთან, სერგეენკო მიიჩნევს, რომ თუ მიხეილ სააკაშვილი პოლიტიკიდან წასვლის გადაწყვეტილებას მიიღებს, ეს დეპოლარიზაციაზე გარკვეულ გავლენას მოახდენს.

"ყოველთვის მაკვირვებდა და ახლაც მაკვირვებს პროფესიული აქტივობების აღრევა – სააკაშვილის ჯანმრთელობის მდგომარეობას განიხილავენ პოლიტიკოსები, პოლიტიკურ საკითხებს, იყოს თუ არა პოლიტიკაში, განიხილავენ ადვოკატები და ექიმებს საერთოდ არ ეძლევათ თავის აზრის გამოხატვის საშუალება.

სანამ ეს პარიტეტი გაგრძელდება, უამრავი პასუხგაუცემელი კითხვა იქნება.

რაც შეეხება სამკურნალოდ გადასვლას ან მკურნალობის ტაქტიკის შერჩევას, მხოლოდ ერთი პროფესიის ადამიანებს შეუძლიათ ისაუბრონ, ამ პროფესიას ეწოდება „ექიმები“, არ ეწოდება ადვოკატები, ენთუზიასტები და პოლიტიკოსები.

ექიმებს უნდა მიეცეთ თავისი სიტყვის ზეწოლის გარეშე თქმის უფლება", – განაცხადა დავით სერგეენკომ.

საქართველოს მსჯავრდებული მესამე პრეზიდენტი მიხეილ სააკაშვილი, ჯანმრთელობის მდგომარეობის გაუარესების გამო კლინიკა "ვივა-მედში" გადის რეაბილიტაციის კურსს. 

ასევე დაგაინტერესებთ:

* "ხშირად მსმენია, დამსაქმებლები წუწკები არიან, არ ემეტებათ თანხები და ამიტომ არ უნდა ხალხს ამ ხელფასზე მუშაობა, ამიტომაც არიან სოფლის ბირჟაზე, ან გარბიან საზღვარგარეთ!" - რას წერს ექიმი დავით გადელია

* "აბიტურიენტების ჯგუფში ვკითხულობ სრულიად კატასტროფა და გამაოგნებელ პოსტებს - მშობლებო, აბიტურიენტი არ არის კონკრეტული ოპერაციების შესასრულებლად მომართული რობოტი"