საქართველო ჩაიკეტება, ლოკდაუნი გამოცხადდება - გიორგი ფხაკაძე

პროფესორი, საზოგადოებრივი ჯანდაცვის ექსპერტი გიორგი ფხაკაძე დღესასწაულების შემდეგ მსოფლიოს ბევრ ქვეყანაში ლოკდაუნის გამოცხადებას არ გამორიცხავს. ექსპერტი ამბობს, რომ  სხვა ქვეყნების მსგავსად საქართველოც ჩაიკეტება. მისი განცხადებით, ამ ვითარებაში მნიშვნელოვანია,  მოსახლეობამ და დამსაქმებლებმა, მისი  რეკომენდაციები გაითვალისწინონ.

“სიტუაცია უფრო რთულია ვიდრე გარედან ჩანს. სახელმწიფოები დაბნეულები არიან; თქვენ დაინახავთ, რომ შობის შემდეგ დაიწყება ლოკდაუნი მთელ მსოფლიოში. ახლა შობაა და ფიქრობენ, რომ როგორმე გადააგორონ ეს დღესასწაულები. საქართველოც ჩაიკეტება, არ ვიცი რა ფორმით, მაგრამ ჩაიკეტება. თუმცა ესეც არ არის გამოსავალი, საჭიროა პრაგმატული ზომების მიღება.

რა შეგიძლიათ გააკეთოთ თქვენ – მოერიდეთ დახურულ სივრცეში ყოფნას სხვა ადამიანებთან ერთად, თუ მაინც გიწევთ დახურულ სივრცეში ყოფნა, რაც შეიძლება ხშირად და დიდი ხნით გაანიავეთ ეს სივრცე.

გამოიყენეთ სამედიცინო პირბადე, 100-პროცენტიანი დაცვა არც ამას აქვს, მაგრამ თუ ამას ოთახის განიავებაც დაემატება, კარგ შედეგს მოგცემთ.

ბიზნესის წარმომადეგენლებო, მაქსიმალურად გაუფრთხილდით თქვენ თანამშრომლებს და რამდენადაც შესაძლებელია, გადაიყვანეთ დისტანციურზე.

ტყუილად ხარჯავთ ფულს კორპორაციულებზე, რადგან მაინც ჩაგეშლებათ, ყოველ შემთხვევაში, რაც ახალი წლის შემდეგ არის დაგეგმილი, ის აუცილებლად ჩაიშლება” – აცხადებს, პროფესორი ფხაკაძე.

ასევე დაგაინტერე­­­­სებთ:

🔵მომავალი 2-3 კვირის განმავლობაში „ომიკრონით“ ინფიცირებულთა რაოდენობა მოიმატებს - ამირან გამყრელიძე

🔵საქართველოში ბოლო 24 საათში 6969 ადამიანი აიცრა

🔵იანვრის მეორე ნახევრიდან "ომიკრონის" შტამი დომინანტური იქნება - ბიძინა კულუმბეგოვი