მომავალი 2-3 კვირის განმავლობაში „ომიკრონით“ ინფიცირებულთა რაოდენობა მოიმატებს - ამირან გამყრელიძე

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, დღევანდელი მონაცემებით, საქართველოში „ომიკრონის“ 51 შემთხვევაა ლაბორატორიულად დადასტურებული, რამდენიმე ათეული საეჭვო შემთხვევების კვლევა კი მიმდინარეობს.

„18 წლამდე ასაკის ხუთი ბავშვია, აქედან ერთი არის სტაციონარში, მაგრამ მას აქვს ძირითადი, სხვა დაავადება, ამის გამოა სტაციონარში და არა „ომიკრონით“ ინფიცირების გამო.„ომიკრონის“ გავრცელების გამო საფრთხეები ნამდვილად არის. დაავადებათა კონტროლის ეროვნული ცენტრი ორშაბათიდან ყოველკვირეულ ანგარიშს გამოაქვეყნებს იმის თაობაზე, რა წილი აქვს „ომიკრონს“ ქვეყანაში სხვადასხვა შტამის ცირკულაციაში. პირველი ესეთი ნედლი გაანგარიშება გაკეთდა პარასკევს და „ომიკრონის“ დადებითობის წილი საერთო დადებითებში დაანგარიშებული იქნა როგორც 0,6-0,7 %. ვნახავთ, ამ წილის როგორი ზრდა იქნება ერთი კვირის შემდეგ“, – განაცხადა გამყრელიძე.

ამირან გამყრელიძე ამბობს, რომ მომავალი 2-3 კვირის განმავლობაში „ომიკრონით“ ინფიცირებულთა რაოდენობა მოიმატებს.

„დარწმუნებული ვარ, მომავალი 2-3 კვირის განმავლობაში შემთხვევების ზრდა გვექნება, მაგრამ თუ დავაკვირდებით სხვადასხვა ქვეყანას, განსაკუთრებით იმ ქვეყნებს, საიდანაც „ომიკრონი“ დაიწყო, ჯერჯერობით, მას მძიმე კლინიკური მიმდინარეობა არ ახასიათებს. ვადასტურებთ, რომ ზრდა გვექნება“, – აღნიშნა ამირან გამყრელიძემ. 

ასევე დაგაინტერე­­­­სებთ:

🔵საქართველოში ბოლო 24 საათში 6969 ადამიანი აიცრა

🔵ყველამ თავის ვიწრო სპეციალობას მიხედოს ჯობია - გიორგი ფხაკაძე გიორგი ღოღობერიძეს უპირისპირდება (ვიდეო)

🔵იანვრის მეორე ნახევრიდან "ომიკრონის" შტამი დომინანტური იქნება - ბიძინა კულუმბეგოვი